Page 38 - MIN ON 3 APRIL 2017
P. 38
Thu, May 24 2012
Filomena College mavo ta gradici tur cu yuda durante Aruba
Doet
Monday, 03 April 2017 11:43
Comparti
Un par di dia atras, Filomena College mavo tambe a participa na Aruba Doet. E proyecto aki sigur tabatin un impacto
y influencia positivo riba nos alumnonan como tambe comunidad. E parti mas bunita di e proyecto aki, ta pa mira
con nos hobennan tambe ta involvi den e compromiso di ta parti di un teamwork di boluntario.
Durante e diasabra ey, for di mainta trempan, e boluntarionan a cuminsa yega, pa cuminsa cu un desayuno prepara
pa e docentenan di Filomena College mavo y asina haya instruccion for di e cabesante di nan tareanan. E dia a cana
masha fructifero y den un ambiente hopi agradabel y energetico, a ehecuta e tareanan te fin.
Henter e comunidad di Filomena College mavo kier manda palabra di gradicimento pa tur cu a bin yuda y realisa e
proyecto na nos scol, p’asina brinda un ambiente mas agradabel na nos alumnonan. Un scol cu un bunita
infrastructura sigur ta di influencia positivo riba e ambiente na scol, tanto pa e alumnonan como e docentenan. E
teamwork realmente a resalta, unda cu hasta nos alumnonan a bin pa yuda cu hopi entusiasmo y energia. Filomena
College mavo kier gradici Aruba Doet pa e tremendo sosten y sigur por conta cu nos participacion pa 2018.
