Page 75 - MIN ON 3 APRIL 2017

enseñansa rond mundo. Na e mesun momento lo mester inventarisa e habilidadnan,
talentonan y vision di nos mes como maestronan y combina esaki cu e deseonan di nos
alumnonan. Asina nos lo por yega na un vision fuerte pa cu nos educacion.

Algun ehempel di desaroyonan den nos mesun Reino cu te ainda no a yega Aruba na
un manera integral:
• Dalton Onderwijs: Caminda muchanan ta siña pa traha cu nan propio planning y
leerdoelen pa un periodo di 6 siman.

 Technasium: Studiantenan ta haya un tarea/problema pa soluciona pa un compania.
• Twee Talig Onderwijs (TTO): Studiantenan ta scoge algun materia den un otro
idioma di instruccion cu Hulandes.
• Leren voor Duurzaam Onderwijs (LvDO): Na un manera integral ta educa e
studiantenan pa pensa riba solucionnan pa problemanan riba e tereno di Medio
Ambiente, Asuntonan Social, Salud (publico), Energia y Economia.
• Docenten Ontwikkel Team (DOT): Un proyecto cu ta brinda e oportunidad na
docentenan di diferente scol pa delibera riba topiconan y trece solucionnan cu por
wordo implementa na tur scol. Tambe e ta encera traha material nobo pa nos scolnan.

E situacion awor aki ta cu cada scol y cada maestro ta haci tur cos cu ta aki riba den un
forma of otro y mayoria di nan no ta wordo facilita cu por ehempel un taakuur. Ademas,
e cantidad di oranan (lesuur) cu maestronan den scol secundario ta traha combina cu e
situacion cu nan ta traha cu alumnonan cu no a siña di ta mas independiente pa via di e
discrepancia entre e idioma di instruccion y nan lenga materno, ta haci e trabou di un
maestro hopi mas pisa. Djis pasobra esaki a bira un custumber, no ta un argumento pa
esaki no cambia. Ami ta convenci cu e ta baha e calidad di nos educacion. Nos tur
mester ta hopi agradecido pa tur e trabou cu nos maestronan na tur scol ta brinda nos
muchanan tur dia.

Sinembargo, na fin di dia nos tin cu puntra nos mes si nos sistema di educacion
realmente ta prepara nos muchanan pa futuro. Tin un grupo cu ta creciendo cu ta
realisa cu e ta hopi necesario pa nos cuminsa prepara e futuro generacion pa nan por
aporta na nos comunidad prome, door di brinda educacion den nan lenga materno. Mi
sa sigur cu esey lo trece un alivio grandi pa studiantenan, maestronan y mayornan cu
tambe ta lucha pa nan yiunan haya nan educacion. TTO y Dalton Onderwijs lo ta algun
programa innovativo cu por trece un cambio profundo. Pero tambe un DOT team lo
yuda pa nos haya solucionnan specificamente pa e situacion di nos educacion aki na
Aruba.

Ta necesario pa nos envolve nos maestronan mas hopi posibel den e maneho di nos
Enseñansa na Aruba. Asina so nos por crea un educacion cu ta crea studiantenan
fuerte. Un dicho hopi conoci riba e topico aki ta: “If you are not willing to learn, no one
can help you, if you are determined to learn, no one can stop you!” Ban laga idealismo
vence materialismo, dia 22 di september, ora nos bay vota. Pa mi, esey ta primordial.
Ban Hunto p’e Cambio!