Page 53 - AVP

Minister Xiomara Ruiz-Maduro, Reacciona Riba Carta

Di Raymond Knops Gobierno Ta Atendiendo E

Retonan Financiero Na Un Forma Diligente Y

Transparente No Tin Espacio Pa Wega Politico
Barata Di Opositor

 Politica
- 22/07/2019

E informacion cu ta circula den fin di siman cu un carta a yega di Hulanda den cual ta
duna Gobierno di Aruba 1 luna pa aumenta BBO, manda 300 ambtenaar cas y introduci
Sugar-Tax no ta cuadra cu realidad.

Locual cu tin riba mesa ta un carta di Secretario di Estado, Raymond Knops dirigi na
Minister President Wever-Croes den cual ta escala e preocupacion di Hulanda p’e
situacion financiero di Aruba.

Den e carta ta señala e preocupacionnan treci dilanti pa CAFT den nan ultimo
corespondencia cu Minister di Finanza y ta relata nan n’e protocol firma na november
2018.

E Secretario di Estado kier mas claridad riba e reforma fiscal y kier pa inclui e gastonan
di personal relata n’e Plan pa atende Crisis Social na nos pais tambe bou di e plafond di
gasto di personal acorda den e protocol.