Page 56 - AVP

President informacion pa asina por atende cu e situacion di Aruba den e proximo reunion di
Conseho di Ministernan di Reino fin di augustus proximo.

Esey ta e esencia di e carta y ta di lamenta cu atrobe cierto medionan di comunicacion kier
purba bruha tera pa motibo politico. Na ningun momento e Secretario di Estado a exigi pa hisa
BBO, manda hende cas of introduci sugartax. Con Gobierno di Aruba ta cumpli cu locual a
wordo acorda den e Protocol ta prerogativo di Aruba. Ta bisto cu lo kier bruha e informacion
treci dilanti durante negosacion cu sindicato den cual Minister di Finanzas a informa cu pa crea

espacio financiero pa paga indexering di 3,6% lo mester manda mas di 300 empleado publico
cas.

Aruba su situacion financiero, debi na e megadebe crea pa e gobierno anterior, ta exigi
atencion serio. No tin espacio awor aki pa wega politico barata di opositor, ni tampoco di media
liga na nan. Gobierno ta atendiendo e retonan na un forma diligente y transparente y ta invita

oponentenan pa corda riba bienestar di full Aruba. Bruhamento di tera ta causa intrankilidad
bou Pueblo y daño innecesario na nos Pais. Den e dianan nos dilanti lo brinda mas
informacion.

http://www.awe24.com/20190721/36694/Minister_Xiomara_Ruiz-
Maduro_No_tin_espacio_pa_wega_politico_barata_di_opositor