Page 54 - AVP
P. 54
Secretario di Estado, Raymond Knops a manda pidi Minister President informacion
p’asina por atende cu e situacion di Aruba den e proximo reunion di Conseho di Minister
di Reino fin di augustus proximo.
Esey t’e esencia di e carta y ta di lamenta cu atrobe cierto medio di comunicacion kier
purba bruha tera pa motibo politico.
Na ningun momento e Secretario di Estado a exigi pa hisa BBO, manda hende cas of
introduci sugartax, segun Minister Xiomara Ruiz Maduro.
Con Gobierno di Aruba ta cumpli cu locual a wordo acorda den e Protocol ta prerogativo
di Aruba.
Ta bisto cu lo kier bruha e informacion treci dilanti durante negociacion cu sindicato den
cual Minister di Finanza a informa cu pa crea espacio financiero pa paga indexering di
3,6% lo mester manda mas di 300 empleado publico cas.
Aruba su situacion financiero, debi n’e megadebe crea p’e Gobierno anterior, ta exigi
atencion serio.
No tin espacio aworaki pa wega politico barata di opositor, ni tampoco di media liga na
nan.
Gobierno ta atendiendo e retonan na un forma diligente y transparente y ta invita
oponentenan pa corda riba bienestar di full Aruba. Bruhamento di tera ta causa
intrankilidad bou pueblo y daño inecesario na nos pais. Den e dianan nos dilanti lo brinda
mas informacion, Minister Xiomara Ruiz Maduro a conclui..
