Page 7 - MIN ECEM 6 APRIL 2017

loke cu e ministerio di husticia den su totalidad ta haciendo tanto preventivo
como represivo riba esaki. Despues di dicho encuentro ehecutivonan di directiva
di Camara di Comercio y tambe ATIA, a haci apelacion na e titular encarga cu

husticia, pa e departamentonan manera Cuerpo Policial, IASA y tambe Coast
Guard, duna un presentacion na nan respectivo miembronan. Riba dicho

peticion, minister Dowers a instrui su ministerio pa organisa e asina yama
“Justice in Practice 4”. Esaki a tuma luga dialuna den un di e salanan di

Renaissance Convention Center. Mas of menos cien (100) persona cu ta den
mundo comercial a bin hunto y a ricibi un presentacion amplio di parti di Cuerpo

Policial y tambe IASA.
E presentacion riba su mes, tabata basa riba por ehempel, cuanto personal
Cuepo Policial ta dispone di dje den e area turistico, con nan ta wordo reparti

(ingedeeld), con nan ta patruya, e tipo di patruyanan cu tin etc. Tambe a
enfatisa riba e reto y risiconan cu tin y kico tur ta wordo hasi pa contra aresta

esaki nan. Di parti di IASA, a splica basa riba cifra, riba e trend cu tin cu
diferente nacionalidad na momento cu nan yega na nos frontera y tambe na

momento cu nan ta bandona nos pais. Na final di e anochi informativo, sala a
ricibi e oportunidad di haci nan preguntanan. Varios pregunta a wordo haci, cual

mayoria tabata mas bien regardando otro ministerionan. Asina mes minister
Dowers a contesta esaki nan. Riba e topico di criminalidad mes no tabata tin
mucho pregunta. Loke cu nos a conclui for di es nan presente tabata, cu awo

nan tin un miho bista di kico tur ta wordo haci den combatimento di
criminalidad. Cu prome cu e anochi informativo aki, nan no tabata bon informa

debi na poco informacion cu ta wordo duna na comunidad di parti di entre otro
e departamentonan gubernamental mes. Segun e gremio comercial, cu si e

informacion nan aki sali pa tur hende aki na Aruba, cu esaki lo frena y kisas
hasta stop e sentimento di miedo y temor cu a wordo crea inecesariamente den

nos comunidad. E prome Justice in Practice a tuma luga na aña 2015. Manera
cu a wordo menciona caba, e ultimo edicio aki a wordo organisa pa ministerio di
Husticia, riba peticion di Camara di Comercio y tambe ATIA.