Page 8 - MIN ECEM 6 APRIL 2017

Minister Dowers a

organisa un anochi

informativo cu a carga e

nomber di “Justice in

Practice 4”

Published on April 6, 2017 in Politica
ORANJESTAD, Aruba

Algun siman pasa, den luna di maart pa ta exacto, oficina di minister mr. Drs. Arthur
Dowers, a organisa un asina yama “Justice in Practice”. Dicho reunion a wordo
organisa pa di tercer bes y tawata netamente pa informa diferente stakeholders,
manera hunta di directiva di entre otro ATIA, AHATA, Camara di Comercio (KvK), riba e
situacion di criminalidad aki na Aruba, como tambe tur loke cu e ministerio di husticia
den su totalidad ta hasiendo tanto preventivo como represivo riba esaki. Despues di
dicho encuentro ehecutivonan di directiva di Camara di Comercio y tambe ATIA, a haci
apelacion na e titular encarga cu husticia, pa e departamentonan manera Cuerpo
Policial, IASA y tambe Coast Guard, duna un presentacion na nan respectivo
miembronan. Riba dicho peticion, minister Dowers a instrui su ministerio pa organisa e
asina yama “Justice in Practice 4”. Esaki a tuma lugar dialuna den un di e salanan di
Renaissance Convention Center. Mas o menos cien (100) persona cu ta den mundo
comercial a bini hunto y a ricibi un presentacion amplio di parti di Cuerpo Policial y
tambe IASA.

E presentacion riba su mes, tawata basa riba por ehempel, cuanto personal Cuepo
Policial ta dispone di dje den e area turistico, con nan ta wordo reparti (ingedeeld), con
nan ta patruya, e tipo di patruyanan cu tin etc. Tambe a enfatisa riba e retonan y
risiconan cu tin y kico tur ta wordo hasi pa contra aresta esaki nan. Di parti di IASA, a
splica basa riba cifra, riba e trend cu tin cu diferente nacionalidad na momento cu nan
jega na nos frontera y tambe na omoneto cu nan ta bandona nos pais. Na final di e
anochi informativo, sala a ricibi e oportunidad di hasi nan preguntanan. Varios pregunta
a wordo haci, cual mayoria tawata mas bien regardando otro ministerionan. Asina mes
minister Dowers a contesta esaki nan. Riba e topico di criminalidad mes no tawata tin
mucho pregunta. Loke cu nos a conclui for di es nan presente tawata, cu awor nan tin
un mihor bista di kico tur ta wordo haci den combatimento di criminalidad. Cu prome cu
e anochi informativo aki, nan no tawata bon informa debi na poco informacion cu ta