Page 12 - BNDIA ARUBA

a12 riba caya
Dialuna 31 December 2018

Auto a dal tras di pickup riba Green Corridor

ORANJESTAD - Riba e Green Corridor net banda di
aeropuerto a sosode un accidente.

E chauffeur di un Yaris coriendo riba Green Corridor no a
regula su velocidad, y a dal tras di un pickup Hilux. No tabata
tin ningun persona herida, pero daño material tabata consid-
erabel. Polis di trafico tabata presente pa atende cu e accidente.

Accidente serio entre auto y bais na crusada banda di Alhambra

ORANJESTAD - Na e crusada banda di Alhambra riba
J.E Irausquin blvd, diabierna atardi a sosode un acci-
dente basta serio, unda auto a dal un ciclista.

Ta trata di un hoben di 21 aña riba su bais a sali dilanti e auto,
unda esaki a dal e hoben basta duro. E auto mes no tabata tin
ningun documento cune. E hoben a haya un kap basta serio
na su cabes debi na e impacto el a morde su lenga y su cachete
tabata kibra a pone cu el a sangra basta. E hoben a ser trans-
porta di inmediato pa hospital debi na su situacion critico.

Accidente entre tres auto na

Seroe Biento cu persona herida

ORANJESTAD - Diabierna anochi, riba e caminda di
Seroe Biento dilanti di Well Well, a sosode un accidente
di auto basta fuerte cu a laga personanan herida.

Polisnan ta yega basta lihe na e sitio y constata cu e Honda
CRV, Hyundai Eon y un Suzuki Baleno tabata envolvi. Falta
di preferencia a hunga un rol cu a causa e accidente fuerte
aki. Ambulance tabata presente pa atende cu e herido. Polis di
trafico tabata haci nan investigacion na e sitio.