Page 9 - ARUBA BANK

Pa 2019, DIMP ta preparando hopi fuerte mes pa loke ta trata e plachinan nobo cu ta bay

bin bek cu nan pa otro aña. A anuncia esey caba cu tur nos automobilistanan lo bay haya

plachinan orañe y blanco. Lo bay bin cu e mesun sistema cu nos conoce caba, cu e plachi

grandi y e plachi chikito, cu ta e controle plaat.

Segun vocero di DIMP, Meverly Romano, un cliente cu paga mita aña di su belasting, e

ta haya e plachi grandi y ora e paga full e aña e ta haya e plachi chikito tambe acerca.

Esey ta e sistema cu nos conoce caba, manera cu e tabata.

Awor aki, pa 2019, e ta keda reintroduci y ta preparando pa esey. A bestel un cantidad di
90.610 plachi grandi y 87.010 plachi chikito.

Awor aki nan tur ta den bestelling. Den e cantidad aki tin cu bisa cu tin e plachinan di

reserva tambe. Sa cu e cantidad di vehiculonan ta aumenta aña pa aña y semper ta ordo

un cantidad extra pa por cumpli tambe cu e numbernan nobo cu ta wordo otorga durante
aña.

Tin un cantidad hopi grandi den bestelling. Departamento di Impuesto ta spera di por

ricibi nan na final di November awor aki y despues di November, si tur cos bay bon,

teniendo cuenta cu un periodo di dos siman, pa por controla tur e plachinan aki, pasobra
ta hopi importante pa por controla pa ora ricibi nan pa wak si tur e numbernan tey.

E proceso di control ta un trabao hopi grandi. E ta rekeri tambe pa por cera un team pa

por keda cla den un tempo mas lihe posibel. Tambe Departamento di Impuesto ta prepara

pa habri posibilidad di pago na cuminsamento di December. Awor ta target pa habri esaki
dia 3 di December, cu ta cay riba un dialuna.