Page 5 - KPA
P. 5
ACCIDENTE SERIO NA CRUSADA DI PALM
BEACH TA LAGA UN CHAUFFEUR PEGA DEN
SU AUTO
February 20, 2017 Leave a comment
Palm Beach – Diadomingo anochi ta sosode un accidente serio na crusada di
trafico na Palm Beach. Momento cu polis a yega nan a pidi asistencia dibiaha di
unidad di rescate di brandweer, mirando cu e impacto a laga e victima pega den
su auto.
Aparentemente, e ta un caso unda un di e autonan a pasa den luz cora,
causando e accidente aki entre un Hummer y un Toyota Corolla. Segun
informacion, e Hummer lo mester tawata bin di panort y e Toyota for di pariba. E
Hummer riba un velocidad halto a dal e Toyota mandando e contra e palo di luz
y ta laga e chauffeur pega den auto.
E victima tawata na tino y tambe e tawata papia cu e personal di rescate di
brandweer. Despues di basta trabou di parti di e personal di rescate pa corta e
auto, a logra saka e cabayero for di e auto. Personal di ambulance a transporte
dibiaha pa hospital.
HYUNDAI ACCENT TA DAL CONTRA
MURAYA DI JR CURA CABAY
February 20, 2017 Leave a comment
Cura Cabay- Dialuna, den oranan di marduga, polis ta wordo pidi pa bay JR na
Cura Cabay pa un accidente. Momento cu polis a yega nan ta topa cu un
Hyundai Accent cu a dal contra muraya di JR bashe abou.
E impacto a laga e parti dilanti di e Hyundai practicamente destrui y taklewagen
a wordo pidi pa transporta e auto. Pazuid di e caminda tawata tin un Toyota cu a
keda cu sla na su banda robes.
