Page 9 - KPA

ta nos mesun hendenan. Pa esaki mester bin cu un otro acercamento pa medio di traha riba e parti
preventivo. “Preventivo kiermen inversion den a parti di hubentud. Den e parti di desaroyo social di bo
pais y e parti di rehabilitacion y resocialisacion di esunnan cu cay den criminalidad. Personanan cu cay
na un edad hopi jong mester percura pa nan no haya un carera of un formacion di prizon. Mester purba
na momento di detencion pa duna formacion cu nan por haci algo cune”, asina e Minister a amplia.
“Mester yuda e muchanan aki door di siña nan un ofishi. Siña nan traha cu nan man pasobra esey ta loke
nan ta bon den dje. Anto ora nan sali for di prizon nan ta bay ocupa nan mes cu actividadnan positivo
contribuyendo na nan mesun entrada y yuda nan famia evitando di cay bek den e patronchi criminal,”
Minister Dowers a elabora. Esaki ta e aspectonan cu a keda presenta na e gremionan… “y nan ta influi
den nos plan di maneho. Mi ta spera cu otro siman nos lo por presenta e plan di maneho den su totalidad
anto e ora ey henter comunidad ta haya un bista riba kico nos ta haciendo y kico nos ta pensa di haci,” e
mandatario a enfatisa. Uzando metodonan di analisa di nobo, combina cu sosten di otro expertonan,
hunto cu un plataforma mas amplio di discusionnan den comunidad, lo por sigui elabora riba e plan
integral pa tur departamentonan di husticia.