Page 7 - KPA

Camara Mobil di Polis tey caminda menos bo ta spera

Monday, 20 February 2017 11:51
Comparti

Tin camara mobil tambe den poder di Cuerpo Policial. Minister Artjur Dowers ta sigur cu el a wordo
presenta caba na algun actividad. Ora di evento ta haci uzo di nan y ta draai un pilot cun’e y ta mira cu e
ta duna bon resultado. E camara mobil tey y ta sigur cu den e simannan cu ta sigui, lo tin un ampliacion
di esaki.

Ta bay ta den cooperacion cu Hospitality Foundation, mira cierto areanan cu hunto lo por amplia cu
camara y esey lo tuma luga. Ta tende di cierto areanan cu tin hendenan ta bay hopi dirigi pa bende droga
na turista y ta areanan cu ta bisa cu por instala camara mobil pasobra no ta areanan cu tin un risico cu
excepcion cu nan ta ofrece droga eynan. E por reduci e fenomeno aki den e manera aki. Ta bay tin
hendenan special pa esaki. E ta bay ubica den Centrale Post y tabata un escogencia pa motibo di e
cantidad di espacio cu tin na e momentonan aki. Door di esey a scoge pa ubik’e den centrale post. E tin su
beneficionan, claro cu e tin tambe su desbentahanan, pero ta studia despues di un periodo si e ta ideal, si
e funciona bon. Si esey no ta e caso, ta wak con por haci’e separa. Mester tin hendenan apart pa atende cu
e camaranan aki si, e minister a splica.