Page 25 - UTILITIES

Minister Mike de Meza: No tin ningun intencion pa bende

FMSA

Friday, 05 May 2017 16:48
Comparti

Comentario cu por a tende, cu probablemente ta intencion di privatisa of bende loke ta FMSA. Nos a
puntra minister Mike de Meza si ta berdad, mirando cu ta un compania di Gobierno. Segun de Meza,
esaki ta un otro locura. E Gobierno aki, Gabinete Mike Eman I y II, semper a traha riba un manera
responsabel.

E compania FMSA, despues di negosha basta tempo cu Valero y Citgo, Gobierno a dicidi cu FMSA ta di
Gobierno di Aruba. E ta un compania Estatal di Gobierno di Aruba. E ta cay bao di Refineria di Aruba.
Gobierno a crea esaki, nan a negosha esaki y a haci’e un hecho. Y tin su derecho di existencia den un
manera hopi sano. No tin ningun otro intencion cu FMSA. FMSA ta di Gobierno di Aruba y esey ta nifica
cu e ta di pueblo di Aruba. No tin ningun intencion, ningun nada di bay bende. Segun minister de Meza,
ora tende opositornan di bay bende FMSA, e ta indirectamente dunando pueblo plannan di nan cu
mañan cu Dios kier, su nan mester drenta den Gobierno, ta bende nan ta bay bende refineria di Aruba y
FMSA y pesey nan ta soña cu esey. Mescos cu saca dividendo di WEB.

Bo por mira cu esey ta parti di nan plan. Awor aki nan kier haci como sifuera cu e Gobierno existente lo
kier a haci algo pa despues si nan ta den Gobierno, ta e actonan ey nan kier haci. Pueblo di Aruba ta
suficiente inteligente cu nan sa cu e cosnan aki ta storia nan ta. No tin ningun intencion pa bende FMSA.
Lo ta bon pa partido MEP y sr. Glembert Croes sinta bon na banda y wak con AVP ta Goberna y e lo siña
con pa Goberna riba un manera transparente y drecha y por ta un dia den futuro cu nan drenta den
Gobierno, nan lo por ripiti e direccion cu e Gobierno actual ta bayendo, cu ta un direccion hopi
transparente.

Comentarionan (0)

http://www.24ora.com/index.php?option=com_content&view=article&id=121507:minister-mike-de-
meza-no-tin-ningun-intencion-pa-bende-fmsa&catid=12:politica&Itemid=18