Page 27 - UTILITIES

Sero Pita a yega na turno pa haya luz LED

Friday, 05 May 2017 19:16
Comparti

Programa Luz den Bario ta un iniciativa di Prome Minister Mike Eman. A inicia cu e proyecto aki
pasobra iluminacion ta un deseo di pueblo, di personanan cu ta biba 30 aña of mas biba den scuridad.
Durante bishita den e barionan ta scucha deseo di habitantenan y iluminacion tabata un di nan
deseonan.

“Nos no ta scucha e habitantenan y hinca papel den lachi pero ta cumpli cu nan deseonan,” Ruth Tromp
Schoop, director di e departamento Servicio pa Comunidad y Bario a bisa. Diahuebs anochi, despues di e
bishita durante dia, tabatin cendemento di luz den un area di Sero Pita cu pa hopi aña a biba den un
bario scur. Presente tabata director di Servicio pa Comunidad y Bario, Ruth Tromp Schoop, kende a
splica cu desde cu 2010 e team ta bishita bario y analisa cual ta e necesidadnan. “Poco-poco pero sigur
nos ta yenando e deseonan cu pueblo tin. Pesey awe nos ta den Sero Pita, un bario cu practicamente no
tabatin luz.” Tromp a splica cu ta haci un evaluacion di tur e peticionnan y asina ta haci un escogencia
cua ta e bario cu ta bay prome pa haya luz. Pero na final ta tur bario den scuridad mester haya luz. “Nos
ta contento di yega na Sero Pita. Mi por bisa cu nos ta trata di haci un balans, poniendo na un parti na
Noord, despues Santa Cruz y San Nicolas. E ta duna nos un satisfaccion hopi grandi na nos cu ta cumpli
cu comunidad. Pero e habitante tambe ta mira cu nos no a bini solamente pa analisa, skirbi y hinca papel
den lessenaar. No. Nos ta cumpli cu nan deseonan y ta sigui poco-poco pero sigur yenando e deseonan cu
e habitantenan di 2010 pa aworaki.” Poppy Monte ta un ciudadano y habitante di Sero Pita feliz desde
diahuebs anochi. E tabata presente na momento cu Minister di Asuntonan Economico Richard Arends a
cende e prome luz den e area ey di Sero Pita unda no tabatin luz. “E momento aki ta hopi special, pasobra
e ta un oracion contesta pa trece claridad den e bario di Sero Pita y sigui pone luz den tur bario di Aruba.
Mi ta satisfecho y contento,”sra. Monte a bisa.

http://www.24ora.com/index.php?option=com_content&view=article&id=121516:sero-pita-a-yega-na-
turno-pa-haya-luz-led&catid=1:local&Itemid=5