Page 19 - ATA
P. 19
Diahuebs, 6 juni 2019 AWEMainta 25
Meet San Nicolas ta cla pa su di dos edicion cu t’awe
DESPUES di un exitoso prome edicion, awe
diahuebs un biaha mas e cayanan di e prom-
enade di San Nicolas lo wordo transforma den
un Cultural City p’asina yama e bishitantenan
local un bon bini na “Meet San Nicolas”.
Un iniciativa di parti di algun habitante di San
Nicolas mes p’asina trece bida den nan bario
stima ta loke a duna e evento aki bida.
Danki n’e suport di benedornan cu ta paga un
contribucion pa ta parti di e evento aki e organ-
isadornan por cubri e otro gastonan y pone e
actividad aki riba pia.
Despues di e prome edicion varios tabata esnan
cu a acerca e organisadornan p’asina nan tambe
por forma parti di e evento aki, como nan ta
considera esaki un evento hopi relaxing unda
gran parti di e hendenan cu ta bin hunto ta bin
pa relax y disfruta despues di un dia duro di tra-
bao of un di un schedule pisa den nan vakantie.
Aparte di e variedad grandi di cumindanan local
y Caribense cu tin pa ofrece, durante e evento
aki e bishitantenan ta topa cu artesanonan local
cu ta traha prenda y obranan exclusivo cu bo lo
por haña unicamente serca nan aki na Aruba y
na ningun otro parti na mundo.
Tambe e biaha aki e famoso mesanan di domino
lo tey p’asina esnan cu kier dal un wega di dom-
ino, tambe lo tey e stand di massage p’esnan cu
kier relaha y haña un bon massage on the spot,
sin laga afor e kids corner unda nos muchanan
por hunga y explora nan talentonan.
E parti musical no por faya y nos gran musico
local y di pariba di brug sr. Carlos Bislip lo de-
leita nos bishitantenan cu su musica y Mikes
Super Disco tambe lo tey pa duna e toke Cari-
bense y nos musica Carnavalesco na final hunto
cu e dancersnan.
Pues awe diahuebs bo tin un invitacion pa bay
“Meet San Nicolas” un biaha mas den e prom-
enade di San Nicolas cuminsando pa 6:30 di
atardi te cu 10or di anochi.
