Page 41 - Djasabra 8 september 2018.pdf

Djasabra 8 Sèptèmber 2018 41

Kontinuashon di pagina 6
Ta momentu pa bin

su empleadonan.
Kon mas mihó pa tur
danki dor di trese tur
einan huntu den e sala di
Cinemark Sambil.
E kompania mama
kende ta Janssen de Jong a
bini Kòrsou pa un proyekto
riba aeropuerto Hato.
Komo ku a surgi tardansa
den ehekushon di esaki
a bini e oportunidat pa
un proyekto riba e isla di
Haiti. Esaki a resultá den
pèrdida kuantioso ku a pone
ku e kompania a regresá
Kòrsou masha lihé bek.
Asina e historia eksitoso di
Curaçaose Wegenbouw Mij a
kuminsá na 1953.
Durante e 64 añanan
ku ta tras di lomba ta
masha hopi proyekto CWM
tabata enbolbí aden. Nan
ta muchu pa e menshoná,
asina e direktor a bisa. Ta
p’esei e motibu pa trese e
historia aki den e shortfilm:
2 BILLION SECONDS
#BONRIBAKAMINDA.
CWM durante di su
historia tabatin diferente
momento di kambio ku a
tuma lugá, kada bes pa
alsa e ekselensia i kalidat
di e kompania i pa asina
brinda e mihó servisio na
nos klientenan i pa sigurá
un bon komunikashon.
E éksito di Curaçaose
Wegenbouw Mij ta danki na
su empleadonan. Esnan ku
ta laborando, esnan ku a
bai ku penshun i esnan ku
ya no tei mas na e mundu
aki. Esaki sin kita nada afó
di e konfiansa risibí di e
gerensia di Janssen de Jong
Groep.
Kalidat, Integridat,
Siguridat i lealtat ta
palabranan ku ta ankrá den
nos manera di operá.
CWM ta kontentu di por
a aportá na proyektonan
sosial durante di e añanan
ku ta tras di lomba. E último
proyekto ta: Churandy
Martina ku mira riba Tokyo
2020.
CWM i su empleadonan
a komprometé nan mes i lo
partisipá na e ‘World Clean
Up Day Curacao’ di 15 di
Sèptèmber próksimo.
Pa terminá sr. Bonafacio
kier trese dilanti ku apesar
ku Kòrsou no ta pasando den
su mihó tempu ta momento
pa bini ku ideanan inovativo
pa asina krea oportunidat
nobo pa garantisá empleo
pa e trahadónan riba nos
isla di Kòrsou.
El a gradesí tur presente
un bes mas pa e konfiansa
aviso@extra.cw duna na Curaçaose
Wegenbouw Mij.