Page 24 - AWEMAINTA
P. 24
24 AWEMainta Diaranson, 12 September 2018
Segun, Fundacion CVA Aruba:
Tin un demanda pa mas chekeo di salud den barionan
FUNDACION CVA Aruba cu t’e
Fundacion di Stroke (atake cerebral)
na Aruba a organisa recientemente un
chekeo pa salud .
CVA Aruba kier yama danki n’e
siguiente persona y instancianan cu
diasabra recien tabata presente den
Centro di Bario Brazil: Shameeza van
Loon, Aruba Vision Center, Transi-
tion 2 Health, Kidneys297, Botica di
Servicio, Shamila Thijsen, Jessique
Kelly, Aruba Medical Assistance y pa
no lubida e miembronan di directiva
di Centro di Bario Brazil cu a apoya e
actividad aki for di comienso. Y mas
cu claro, na nos conciudadanonan cu a
mira e necesidad pa haci nan chekeo.
E demanda tabata grandi. Si tira un
bista riba e asistencia record cu a pre-
senta pa haci nan chekeo pa salud
organisa dor di CVA.
Ta un muestra cu den nos comunidad
tin e necesidad pa mas checkeo asina,
wordo organisa. Hopi hende grandi
di bario a presenta y notabel tabata
tambe hobennan cu a yega Centro
di Bario Brazil, pero tambe bishitan-
tenan for di otro districto cu a yega
Centro di Bario Brazil.
P’e motibo aki CVA ta bisa pa nos
comunidad keda pendiente pasobra e
interes tey pa ripiti e actividad aki na
mas ocasion. Un danki tambe ta bay
na sra. Tina kende tabata presente cu
su wraps, fruta y pan p’esnan presente
despues di e checkeo.
Di parti di Centro di Bario Brazil sem-
per e sosten tey pa yuda organisa mas
dianan di checkeo, cu por bira cada
3 luna si ta necesario. Danki un biaha
mas.
