Page 117 - MIN VOS

Marlon Sneek di AVP: Geschillenregeling un biaha mas ta
riba punto di agenda pa wordo trata na Corsou

Tuesday, 03 January 2017 18:40
Comparti

E siman aki Parlamento ta saliendo pa Corsou. Marlon Sneek ta lider di fraccion di AVP. El a splica cu e
reunion na Corsou e aña aki. Ta tur aña tin un reunion den Caribe y un reunion na Hulanda. Aña pasa
tabata St. Maarten, e aña aki ta na Corsou y e aña siguiente e lo ta na Aruba. Dia 9 lo bay tin e prome
reunionnan na Corsou.

Ta cuminsa semper loke ta tripartite, loke ta Aruba, Corsou y St. Maarten, djey ta sigui pa Ipko cu ta e
tresnan mas Hulanda acerca. Tin diferente tema en comun. Sigur pa loke ta tripartite, pa loke ta e parti
di jeugd en jongeren, esta con como pais y den e caso aki e parti Caribense, con por atende cu
problematica di hobennan cu por atende cu estudio. Ta diferente punto cu tin di preocupacion lo bay
atende. Tambe punto cu tin riba lista ta den e caso aki Salubridad Publico. Tabata tin aki un conferencia
grandi aña pasa cu e minister di Salubridad a pone y tin cierto follow up mester tuma luga pa loke ta
diferente acuerdo cu a firma, servicionan cu sea Aruba ta cumpra for di Corsou, y vice versa. Tambe St.
Maarten ta den e pakete. Esey ta un di e puntonan cu lo atende cun’e y sigur un di e puntonan hopi
importante ta e punto di geschillen regeling. Tabata tin un iniciativa di rijkswet di parti di e tres paisnan
di e parti Caribense di Reino, cu si Hulanda, den e caso aki, pa medio di minister Plasterk, no entrega un
iniciativa di ley pa atende cu geschillen regeling, cu como e tres islanan lo entrega un iniciativa di ley di
geschillen regeling cu tin cu bisa cu e draft ta cla.

Un rato ta afstemmen cu tin cu bay haci pasobra e acuerdo cu a haci na Mei/Juni na Hulanda tabata cu
prome cu e aña cu a caba di pasa, 2016, e ley lo mester tabata entrega na Tweede Kamer y esaki no a
tuma luga. Segun cu por a compronde ta awor aki, den e prome siman di Januari lo bay tin un
rijksministerraad, djey nan manda e ley aki den e caso aki pa raad van State. E decision mester bay cay,
con lihe ta bay actua y si ta bay entrega e iniciativa di ley cu a wordo concipia pa e tres parlamentonan di
reino den e parti di Caribe. Esey lo ta e parti di mas importante y sigur e parti di afstemmen riba
diferente topico mirando cu na Corsou tin un situacion cu e parlamentarionan awor aki a tuma funcion
como minister. Tin miembronan nobo cu lo bay bin den e comisionnan di Corsou. Eynan tambe tin cierto
cosnan cu mester caba di delibera den ki forma ta bay atende cu nan.