Page 120 - MIN VOS

Parlamentario Marlon Sneek: Pa evita cu esun mas grandi ta
dicidi, e geschillenregeling mester bin

Tuesday, 03 January 2017 18:44
Comparti

Parlamentario Marlon Sneek a argumenta cu ta importante pa atende cu geschillenregeling ora cu mira
cu cada biaha sea Aruba of cualkier otro isla den Caribe ta haya nan mes den un disputa, den un
diferencia di opinion den e parti huridico di interpretacion, di reglamento di estado, di Statuut.

Ta kere pesey e ley mester bin. Ultimo sucedido tabata nombracion di Gobernador nobo pa Aruba. Cada
bes ta mira cu ta haya cu diferencianan di opinion y cu no tin un caminda pa bay pa por entrega un keho,
bo disgusto, bo diferencia di opinion. Pero awor aki ta simplemente esun di mas grandi ta esun cu ta
manda. Na Mei tabata tin e ley concipia y cla, pero a yega na un entendimento di parti di e delegacion di
Hulanda cu nan lo bay zorg pa nan minister entrega e ley, pasobra di otro banda tin cu mira tambe cu tin
den e caso aki, den e momentonan aki cu tin un situacion un tiki di default, pasobra si kier por entrega e
ley di iniciativa, pero esnan cu tin cu bay vota pe, y si nan ta bay acept’e, ta e mesun parlamento y Tweede
Kamer di Hulanda y Eerste Kamer. Pesey ta purba via palabracion yega na un acuerdo, caminda nan ta
entrega y wak si nan ta cumpli cu en todo caso cu e tres puntonan cu ta haya ta importante cu mester ta
den e ley. E mester tin un bindend caracter, manera un veredicto. No cu ta haya un advies y ta pone na
banda, sino e advies cu ta haya tin cu bay ehecut’e. A bisa cu e mester ta pa e diferencianan den e caso aki
“strikt juridisch”. E diferencianan di opinion huridico mester por atende cun’e y e mester tin un caracter
independiente. No por ta cu ta bay haya cu ta e mesun grupo cu ya ta atende cu e geschillen nan aki cu ta
bay duna un otro, advies of veredicto. Pesey a pensa e tempo ey den corte comun di Husticia por bira of
un departamento huridico di Raad van State. Pa Aruba e ta importante pa e bin. E mesun situacion cu ta
awe cu si bo kier abo mes ta entrega un ley di iniciativa y ta yega cerca nan. Kier evita tipo di cosnan ey y
kier yega na un manera pacifico, pero claro, cu respet di un pa otro, pa por garantisa cu e geschillen
regeling ta bay bin y no pa Gobierno cu ta sinta awe, sino pa pais Aruba y pa di un biaha pa tur, ora cu tin
diferencianan di opinion, cu por haya un veredicto, cu por bisa ken of no tin rason.

Cada bes cu ta den tipo di disputanan aki, lamentablemente na Aruba ta mira cu ta scoge e posicion
politico pa purba di saca un juice politico for di dje, sin mira cu ta atachando e derechonan di un pais
manera Aruba. Si nos mira sigur e dos situacionnan cu a presenta na 2014 por ehempel, cu tabata tin e
situacion di no firma presupuesto, por a mira con Corsou y St. Maarten a pasa un mocion unanime den
nan Parlamento pa condena e hecho aki y na Aruba nos ta mira cu oposicion a prefera di bay para na e
otro banda y no para pa Aruba. Mescos cu por a mira den e ultimo situacion di nombracion di e
gobernador nobo pa Aruba, por a mira con for di Corsou den e caso aki, cuater ex prome minister ta
manda un carta bisando cu nan ta condena e forma con e proceso a bay. For di St. Maarten por a scucha
mesun cos. Por a mira parlamentarionan di Corsou, expresa nan mes nan punto di desacuerdo y
desapunto pa e forma con e situacion a caba. Pero na Aruba atrobe nos ta haya cu partidonan politico cu
no tin weso di lomba, cu ta para simplemente pa politikeria y no ta para pa pais Aruba. Ora cu ta papia di
nombracion, ta papia di e proceso. No ta papiando di hende. Ta papiando di un proceso cu tin cu cana
corectamente. Si tin un parti di e proceso cu no a bay bon, claro cu tin cu atende cu e parti cu no a bay
bon ey. Cada bes ta keda mustra cu mester bin un geschillenregeling, pasobra constantemente, sigur den