Page 118 - MIN VOS

Mervin Wyatt-Ras: A cuminsa 2017 full clean

Tuesday, 03 January 2017 18:46
Comparti

Presidente di Parlamento, Mervin Wyatt-Ras ta desea tur un feliz 2017, y cu amor, harmonia reina den
tur hogar y por tin metanan cu por logra e aña aki y specialmente nos pais Aruba.

Tin cu bisa cu mirando cu a trata un cantidad di ley na fin di aña 2016, caminda cu un biaha mas a
gradici tur esnan cu a coopera cu esaki, specialmente personal di Parlamento, pero tambe diferente
departamento y tambe Gobierno den e sentido aki, pasobra nan mester tene nan mes na e schedule cu
Parlamento a duna, unda cu nan a logra trata tanto e presupuesto di aña 2017, presupuesto supletorio di
2016, e jaarrekening di 2015 y otro leynan chikito cu tabata mara na esakinan, unda cu por a logra haci
esaki y e ta contento pasobra a cuminsa cu un aña clean. Por a cumpli cu e accountability di nos pais
unda cu tur cos ta na ordo y cu por haci e trabao di control como Parlamento tambe. Wyatt-Ras ta bisa
un biaha mas cu ta haya jammer e critica cu el a haya pa pasa e leynan aki. No ta bay akinan pa pidi
permiso na miembronan di Parlamento pa reuni, pasobra tin un obligacion como parlamentario y
Parlamento pa cumpli cu cierto cosnan y tambe cu nos ley di contabilidad y constitucion. Esey pa Wyatt-
Ras ta su tarea principal. Pa loke ta trata e aña aki, ta uno di eleccion, uno yen di reto y ta bay cuminsa e
aña cu nombracion di Gobernador di pais Aruba, sr. Alphonso Boekhoudt, cual lo ta dia 5 di Januari, e lo
ta den Parlamento. E lo presenta su credencialnan y duna su prome discurso, den Parlamento di Aruba.
Lo conta cu presencia di diferente entidad, invitado, su famia y asina tambe duna e aprecio asina na nos
gobernador y ta sigui e ora despues cu e reunionnan di Ipko, unda cu ta bay representa Aruba na Corsou.
Ta bay topa tanto cu paisnan representante di e paisnan di Corsou y St. Maarten como tambe Hulanda.