Page 55 - MIN VOS

16 AWEMainta Diaranson, 4 Januari 2017

Pa di 15 aña consecutivo…

Mike Eman ta hiba Dande pa nos grandinan

MOMENTONAN di alegria ta pa comparti cu tur
hende, sigur cu nos grandinan.
Pesey mes Minister President Mike Eman tin como
tradicion, ya pa 15 aña, pa den e prome dia di aña hiba
un dushi Dande na casnan di anciano rond di nos isla.
Eman ta pidi su amigonan musico manera Robert Maduro
y tin biaha tambe e Rey di Dande di e aña pa compañ’e
den un paranda cu e ta cuminsa pariba na SABA den Pali-
siaweg, San Nicolas. D’jey e ta pasa na Huize Maristella
na Savaneta y bin abou pa bishita tambe e grandinan di
San Pedro y St. Michael Paviljoen.

Cu su casa Doina semper banda di dje, ademas di algun
otro amistad, Prome Minister Eman ta drenta cada kam-
ber y sala di e centronan pa percura cuminda y desea cada
habitante un Bon Aña repartiendo un cariño y respet
sincero, manera nos grandinan merece.

Tur e Madushi y Padushinan ta ricibi Eman cu un sonrisa
y brasanan habri. Nan ta expresa palabranan di gratitud
p’e regalo bunita di musica y tradicion, pero tambe p’e
atencion.
Esun cu por ta lanta y dal algun paso cu e Premier riba
tono di cancionnan manera ‘Abo So’ y otronan tipico cu
cual ta deleita nan.