Page 56 - MIN VOS

AWEMainta Diaranson, 4 Januari 2017 17

Partido AVP a tene su fiesta anual di Aña

Nobo den Renaissance Convention Center
Un evento di kita sombre

SALA tabata yen, e musica tabata tremendo, e cuminda sabroso,
e ambiente tabata tremendo y e union tabata wordo sinti den tur
huki di e sala.
Robert y su Solo Banda Show a habri e fiesta cu un tremendo pre-
sentacion, e pianan a los y pista di baile tabata un solo multitud
moviendo.
Mescos tabata e caso ora Tsunami a crea un ola di hende gosando di
e bon musica ora e banda a cuminsa toca y nustra kico tur e tin aden.
OREO a haci un cos serando e magnifico fiesta aki cu su musica
cayente cu a sigui te den oranan di marduga.
Organisadornan por mira bek riba un fiesta super exitoso. A pensa
riba cada detaye. Asina e partido berde ta traha, bon organisa. Haci
cosnan grandi sin laga ningun detaye atras.
Lider di partido AVP y na mes momento Prome Minister di pais
Aruba Mike Eman a subi escenario cu coleganan di partido pa expresa
e bunita menahe di amor, paz y union cu ta palpita den curazon di
cada un presente.
“Union ta poderso y uni ta nos logra cosnan grandi”. Despues di su
discurso cortico, pero manera semper formidabel, Mike Eman a pasa
saluda tur presente, un pa un, loke a wordo masha aprecia.
Partido AVP ta un partido potente y ta demostra esaki cada bes
di nobo. Un sala yen ta muestra di esaki. Padilanti so ta bay awor.
‘Hunto nos ta logra’.