Page 59 - MIN VOS
P. 59
24 AWEMainta Diaranson, 4 Januari 2017
Lotto ta felicita
Delegacion di bowling cu a haci un tremendo papel den e torneo
Caribeño Paradise Kids Jose Luis “Chegui” Carde na Puerto Rico
DIANAN 23 pa 29 di december un delegacion masculino den de-
porte di bowling a biaha pa Puerto Rico unda nan a competi den e
torneo anual yama Caribeño Paradise Kids Jose Luis “Chegui” Carde.
Esaki ta di 5 aña cu Aruba ta participa den forma consecutivo n’e
torneo aki. Mester bisa cu un bes mas nos bolicheronan a luci durante
di henter e torneo aki.
E torneo aki ta conoci pa ta uno di nivel halto unda cu selecionnan di
cada club di bowling di diferente municipio na Puerto Rico ta participa.
E team di Aruba di U15 y U20 a keda na di dos lugar enfrentando e
mihor hungadornan di bowling di Puerto Rico.
Den e competencia di double, e duo di e bolichero Renald Thiel/Yan-
nick Roos ta logra e premio maximo pa Aruba, mientras e duo Kaelan
Roos/Jared Felipa ta logra un di tres lugar.
E hoben Yannick Roos ta logra triunfa cu e prome lugar den e Strike
Derby.
Riba e ultimo dia di e torneo, e hoben Jared Felipa ta conkista un di
tres lugar den e competencia individual serando asina e torneo den
forma exitoso p’e delegacion di bowling di Aruba.
Lotto, e loteria di Aruba ta felicita e delegacion di bowling masculino
pa cu nan tremendo presentacion den e torneo Caribeño Paradise Kids
Jose Luis “Chegui” Carde na Puerto Rico.
