Page 40 - VOS

FADA ta cla pa e fin di siman largo di e recta final di Carnaval

Thursday, 23 February 2017 21:53
Comparti

Nos ta den porta di un fin di siman druk, pa loke ta e final di e temporada di Carnaval. Nos a
papia cu director di FADA

, Juendel Sprock, kende a splica con FADA a sigui e desaroyonan tras di lomba y kico ta e
mensahenan cu nan tin.

El a comenta cu for di Luna di Januari a cuminsa cu diferente campaña. Tin e campaña di
Amigo Didi, tin e campaña di Ta den Control number 2, cu ta pasa den scolnan secundario y
hunto cu otro instancia, manera Despa, cu tin diferente otro instancia hunto cun’e, Telefon pa
Hubentud, Cuepro Policial. Hunto nan ta bay e scolnan, caminda cu ta educa nos hobennan
tocante uzo di alcohol y tambe uzo di droga en general.

Tin topiconan di importancia pa e temporada aki tambe.

Tambe tin e campaña di AmigoDidi, cual ta Don’t Drink and Drive. Si bo ta bay consumi alcohol,
wak pa bo tin un AmigoDidi, esta e persona cu no ta bebe, cu ta bay stuur e vehiculo di motor.
E por ta un auto, e por ta un bicicleta, e por ta un brommer. Pero si bo ta bay subi riba
caminda, wak pa bo haci’e sin tin alcohol den bo sistema.

Feedbacks

Sprock a sigui splica cu e campaña AmigoDidi ta hunto cu Fundacion Zinia, Cuepro Policial y
Departamento di Salud. E campaña no por wordo haci door di un instancia so, pasobra tin
diferente faceta cu tin cu tene cuenta cun’e. Polis ta haci control. Por a ripara cu ultimo
lunanan cu chauffeurnan bao di influencia ta hopi mas y ta wak tambe cu e chauffeurnan ta
mas conciente ora polis ta controla. FADA ta haci e parti di concientisacion. Por mira borchinan
di amigoDidi rond. Ta actief bezig y ta traha di cerca cu SMAC. SMAC a permiti FADA ta den
carnaval pa concientisa comunidad. Hunto cu Fundacion Zinia, hunto cu Despa y Polis, por mira
cu tin efecto. Ora cu polis controla, ultimo diadomingo tabata cu nan na e rotonde di Pos
Chikito. Tin hopi chauffeur a bisa cu nan tin nan amigo Didi cu nan. E pasahero na banda ta
esun bao di influencia y e chauffeur mes ta esun cu ta nuchter. Por mira cu e campaña tin su
efecto. Ora cu ta den e parada, nan mes a comenta cu berdad wak ken por core rond pa nan.
Poco poco comunidad ta bay custuma cu no ta bisa nan cu nan ta mayor di edad, y no ta stroba