Page 37 - VOS

32 LOCAL
Diabierna 24 Februari 2017
Aruba Tourism Authority ta enfoca riba e importancia

di ‘Tene Aruba Limpi’ durante di Carnaval

ORANJESTAD –Carna-
val 63 ta culminando e fin
di siman aki y pa varios si-
man caba Aruba Tourism
Authority a bin ta pone
enfasis riba e importancia
di ‘Tene Aruba Limpi’ du-
rante Carnaval.

Hopi riba rednan social
a mira un produccion di
A.T.A. yama “Tips &
Tricks” dunando conseho pa
cu con pa ‘Tene Aruba Lim-
pi’ durante di. Desde ayera
por a mira un banner tambe
riba e edificio di A.T.A. cu
e mensahe di “Tene Aruba
Limpi/Keep Aruba clean.”
Esaki ta pa corda un y tur
un biaha mas riba e echo cu
e limpiesa di nos isla ta e re-
sponsabilidad di un y tur. Pa
e campaña aki a traha entre
otro cu e conosido y symat-
ica ‘Chiki’ pa trece dilanti
mensahenan positivo y in-
formacionnan valioso refer-
ente con pa mantene nos isla
limpi, bunita y dushi.
Aki ta sigui un resumen di
e tipnan. Mantene bo kavel
limpi door di trece bo mesun
saco di sushi. Ta importante
pa trece varios saco di sushi
cu ta facil pa cera, cual ta asis-
ti esunnan cu ta encarga cu
limpiesa na fin di parada cu
e recohida di sushi. Ademas,
ta importante cu e saconan
aki ta bon cera pa percura pa
niun sushi bula bay.

Reduci e sushi cu abo ta
crea! Na luga di usa “one-
time- use” cups y tayo, trece
bo mesun cup y tayo co bo
por keda uza ora bo ta dis-
frutando di nos dushi parada.
Tambe por opta pa skirbi bo
nomber riba bo cup y tayo ya
asina bo por uza esaki mas cu
1 biaha.
Limita uzo di papel di man.
Uza “hand sanitizers” cu ta
kita tur bacteria.

Aruba Tourism Authority ta
spera di por conta cu e colab-
oracion y sosten di comuni-
dad completo. Di es manera
aki e campaña di conscien-
tisacion lo ta un exito apor-
tando no solamente na un
dushi Carnaval, pero tambe
na un isla mas limpi, bunita
y agradabel pa nos mes y pa
nos bishitantenan. Sigui nos
campaña ariba Facebook y
Instagram. Participa dor di
like, share of reacciona ariba
e postnan. Un Aruba Limpi,
Ta Un Aruba Dushi pa Biba
y como tal un Aruba Dushi
pa Bishita. Feliz Carnaval!