Page 23 - AVP

Medida di Oranan Apart: E asina yama taakuren (oranan apart) cu docente cu no ta
full-time, por ta maximalmente 1/8 parti di uno di full-time, cu afronding bay ariba.

Medida di Overtime: No ta permiti overtime mas pa docente ni personal di

apoyo/sosten. Overtime ta stop inmediatamente. Overtime den Enseñanza no ta
presupuesta y por lo tanto ta aparece como gasto di mas riba presupuesto di
Gobierno. Y gasto di mas no ta permiti.

Medida di Losse Uren: Si acaso ta traha a base di ‘losse uren’, e pago lo bin a base di
oranan traha di berdad, y no ta bay tin pago mas riba dianan liber. Tambe dianan di
vakantie cu no a wordo tuma pa motibo cu tabata malo, tambe Ministro ta pone un stop
na dje.

DIARIO a compronde cu docentenan ta hopi disgusta, y loke ta pasando aki ta
hustamente loke tanto Sindicato SIMAR y tambe SEPPA a pronostica y bisa President di
Parlamento durante recien demostracion na final di aña escolar dilanti Staten y tambe

Oficina di Gobierno.

Nan a informa, cu nan ta spera cu lo no bin desaroyo negativo mas durante vakantie,
pasobra e lo por nifica cu Aña Escolar nobo lo start aki algun siman cu yen dolor di

cabez y posible mas protesta. Y atrobe e pregunta, di con no a consulta prome cu tur
stake-holders prome cu tuma decision drastico asina. Di con Ministro y su
conseheronan no kier “duna cara” prome na docentenan, prome cu e tuma un decision
per-direkt asina.

https://www.diario.aw/2019/07/docentenan-disgusta-cu-decision-di-ministro-di-ensenanza-pa-stop-
inmediatamente-cu-tur-overtime/