Page 25 - AVP

ORANJESTAD (AAN) – Parlamentario Michael Lampe di fraccion di AVP, tambe a duna
su reaccion den conferencia di prensa, tocante e medidanan di gobierno y su maneho
actual.

Lampe a indica cu si prome minister lo a prepara su mes tempo cu e tabata den
oposicion, pa drenta den gobernacion pa bin cu un plan sincero pa nos pais, e pueblo lo
a compronde y lo a traha hunto pa asina saca nos Isla dilanti, pasobra cada un
habitante di Aruba kier mehora, wak nos pais y cada ciudadano crece segun nan

potencial.

Pero aworaki, segun e parlamentario, e poder di compra ta stagna, door di tanto
medida y di no tin un vision y di no traha hunto cu e comunidad pa asina bin cu

solucionnan real y sincero pa habri caminda pa nos hendenan por tin un crecemento
berdadero, cu ta asina necesario na e momentonan aki.

Segun Lampe e relacion di gobierno cu Hulanda ta empeorando y esaki pa motibo di

gañamento, pasobra nan a firma un protocol pero na lugar di cumpli cune a haci lo
contrario y a instrui esnan cu ta dune sosten den Parlamento pa haci algo
completamente diferente, na loke a keda palabra cu Hulanda.

El a expresa cu esaki ta un gobernacion cu falta hopi ainda pa ta honesto y sincero di
tuma Aruba den su totalidad na pecho, y no un grupo chikito so cu nan kier tin banda di
nan, y keda fit nan pa asina nan keda na poder.

Awor por mira cu gobierno ta limitando e pueblo y e comerciantenan y ta nan ta
bayendo atras constantemente, segun sr. Lampe.

E tambe a cuestiona cu e ministernan di e gabinete actual constantemente ta biaha pa

nan fit nan plannan, y tin di nan cu den henter un aña bo no ta mira nan, y nan no ta
trahando pa pueblo ni scuchando su necesidadnan segun Lampe.

El a sigui bisa cu AVP ta trahando for di aworaki riba plannan y un vision fuerte pa e

pueblo aki, y nan ta mira cu tin potencial fuerte pafo cu gobierno a menciona cu lo bay
traha riba dje, pero te awe no ta mira ningun punto serio al respecto.