Page 9 - BNDIA ARUBA
P. 9
A9
REINO Diabierna 30 november 2018
Hoben
amante di
arte a horta
antiguedad
na balor di
150 mil euro
AMSTERDAM – Un
hoben di 16 aña di edad
di Amsterdam a wordo
aresta, despues cu a haya
antiguedadnan na balor
di como €150,000 na su
cas, polis a bisa diaranson.
Segun dutchnews.nl, Polis
a bisa cu ‘e tabata fascina cu
arte y arkeologia desde un
edad hopi jong’ y tabata kier
a bay cas cu e artefactonan
pa studia nan cu tur su
trankilidad. Segun Parool, el
a tuma figurina y otro articulo
for di un biblioteca y museo
Hulandes dedica na bukinan
special esoterico poco comun
– e Embahada di Mente
Liber – na Keizersgracht,
na Amsterdam.
Polis a wordo alerta di e hoben
ladron ora cu el a mustra
un potret di un estatua, di
añanan entre 600 pa 400
BC, na un coleccionista,
kende a reconoce esaki
como un artefacto cu el a
yega di bende na un museo
na Amsterdam den pasado.
Subsecuentemente, e
coleccionista a yama polis.
Na cas di e hoben, polis a
haya varios estatua, buki,
y un ‘scroll’ di papel. Polis
a bisa cu e artefactonan a
wordo entrega bek na su
doño, kende a mehora su
medidanan di siguridad.
