Page 11 - AWEMAINTA

Diasabra, 11 Mei 2019 AWEMainta 11

Minister Ruiz-Maduro

a reuni cu Aduana

y Asycuda pa por

brinda un mihor

servicio na comercio

E siman aki Minister Ruiz-Maduro a reuni cu Adua-
na y cu representantenan di Asycuda, cu t’e sistema

computerisa cu ta wordo usa na Aduana. Meta di

e reunion tabata pa haya informacion riba e avan-
senan den e trabou Duanero por medio di e apli-

cacion aki y pa haya sa cual funcionalidad mas ta

disponibel p’asina por facilita e trabou Duanero y e
servicio na comercio.

Gobierno a bin ta haci inversion cuantioso den e
sistema na Aduana p’asina por brinda un servicio

mas eficiente na comercio.
E sistema di Asycuda ta brinda mas functionalidad

pa por facilita comercio local y internacional y pesey

hunto cu Gobierno su Chief Officer pa Inovacion,
sra. Varely Croes, den cuadro di e proyecto di digi-

talisacion di gobernacion, a reuni riba e posibilidad-
nan cu ta existi pa por conecta e sistema di Aduana

cu mas departamento di Gobierno cu e meta pa crea

eficiencia y brinda un mihor servicio na comunidad
y comercio na Aruba.

E sistema di Asycuda no ta desconoci na Aruba. Nos
por corda ainda, tempo cu Nilo Swaen, tabata Min-

ister y ta consehero principal di Minister Xiomara

Ruiz Maduro a cambia e sistema di Asycuda, mal-
gastando basta placa p’awe tog bolbe n’e sistema aki.