Page 7 - AWEMAINTA

Diasabra, 11 Mei 2019 AWEMainta 7

Despues di dune como perdi

A haya y tow boto Moana cu tur

hende trece tera sano y salvo

Tabata diahuebs anochi, cu famia a bati alarma cu nan sernan keri

a sali cu boto, Moana y nan no a bolbe ainda.
Despues cu a bati alarma pa problema riba lama, yudansa a sali
tambe pa un buskeda.

Tabata algun miembro di famia Orman y amigo cu a sali bay pisca
y a haya problema cu motor di boto.

Entrenan tabata tin un Polis abordo, kende ta doño di e boto.
Despues cu a bati alarma a cuminsa cordina p’asina haya e poci-

sion exacto di e boto cu tur hende abordo.
E tabata na un distancia calcula di 20 miya pabou di Aruba. Res-
cue Centrum Coordination (RCC) na Corsou a saca e informe pa

cuminsa coordinacion pa rescate.
Guardacosta a keda avisa y tur hunto cu Kuststacion di Aruba Ports

a cuminsa manda e mensahe afo.

Net e momento ey tambe un barco di container tabata saliendo

for di Aruba na waf di Barcadera. A pidi e capitan pa por fabor tira
bista n’e pocision cu nan a haya pabou di Aruba.
Esaki a duna resultado, pasobra informacion ta bisa cu a topa cu

e boto Moana. Personal di Guardacosta y tambe Polis Maritimo a
ser activa.

Guardacosta a yega n’e boto tambe y eynan a cuminsa cu e pro-
ceso pa tow e boto trece tera. Tabata pa 2.30 pasa di madruga nan

a yega tera, sano y salvo, loke sigur ta un alivio p’e famia. Nan a
drenta net patras di Cafe The Paddock. Tur hende tabata ok, pero
poco cansa.

No tabata necesario atencion medico. Famianan a ricibi nan tambe
n’e sitio y tabata contento cu tur hende tey bek.

A laga e boto mara eynan y mainta traha riba dje pa sake for di awa.
Un final felis danki na reaccion rapido di autoridad di Guardacosta
y Polis hunto cu RCC na Curacao y Kuststacion di APA na Aruba.