Page 47 - HOH
P. 47
MAINTANAN DI
INFORMACION NA BENU
PHARMACIES TABATA BON
ATENDI
17 January, 2019, 4:46 pm
Benu Pharmacies, hunto cu Movimiento ta Bida y Transition 2 Health, ta organisando un
serie di maintanan di informacion, cuminsando for di dia 14 te cu dia 18 di Januari, for di
8’or pa 10’or di mainta.
Durante mainta e enfermera di Benu ta presente hunto cu representantenan di
Movimiento ta Bida, pa asina duna informacion riba tipnan facil di ehercisio cu por haci
sea na cas of den bo oficina.
Awe, diahuebs mainta, Movimiento ta Bida y Transition 2 Health tabata na Botica Centro
Medico, unda cu Nanelle van der Spil-Croes, ergoterapista di Transition 2 Health, a
splica cu e atendencia ta hopi bon. El a haya invitacion di Benu pa duna personanan
informacion en especial riba e parti di ehercisio, movecion y tambe cosnan facil cu nan
por haci tur dia na cas of na trabao, y no mester warda pa tin tempo pa haci algo, sino
tuma tempo tur dia pa por haci nan.
