Page 37 - AHATA

Gobierno anterior tabata sa kico e ta haci y a ricibi di Conseho Social Economico un lista
di medidanan cu e por a tuma na 2014 pa asina suavisa e angusta grandi cu ta biba
awe den hopi cas na Aruba caminda hende ta teme pa nan entrada.

Awe nos mester lansa e pregunta si tempo no a demostra cu ta e Arubiano humilde a
paga consecuencia di politiconan cu tin problema pa perde nan stoel den gobierno.

Loke a pasa cu e trahado Arubano no tin nomber y hopi dolor por a wordo evita si na

2014 a tuma medidanan cu mester a tuma.

Awe un gobierno cu a hereda un crisis mester tuma medida. E politiconan cu a origina e
desaster financiero actual, awe por cana parti Ensure pa personanan cu lo keda sin

trabou bebe? No ta welga di hamber hopi pober lo drenta, pero nan lo keda sin entrada.

Un angustia grandi ta biba awe cerca Arubianonan cu tin miedo di perde nan entrada
den e situacion nobo.

Wega politico cu ta causante di e crisis actual mester hala un banda y respeta e dolor di
e pueblo humilde di Aruba, cu ta mira su pan disparce si medidanan cu CAFT kier
impone, wordo tuma.

https://www.diario.aw/2019/09/e-dolor-inmenso-di-medida-contra-personal-di-gobierno-den-crisis/