Page 13 - bon-dia-aruba-20181208

a13
riba caya Diasabra 8 December 2018

Homber ta perde su horea durante pelea

ORANJESTAD - Patruya di surveillance San Nicolas
a wordo manda un luga na altura di Tio Pepe, pa un
caso di maltrato cu arma entre dos persona. Durante e
pelea, un persona lo a ricibi un herida na su cabes.

Na yegada, un homber a hala atencion di e patruya, y a conta e
agentenan cu e victima lo a bay caba, direccion nort. Ademas,
e persona a conta polis cu e victima a haya su horea corta afo
cu glas di un boter kibra.

Na altura di Scobilostraat, polis a topa cu un homber conoci
pa polis, kende a purba di huy a traves di un cura, purba bay
den mondi. Ora a logra alcansa e persona, polis a constata cu
e tabatin un corta grandi riba su nek, cu hopi sanger. Despues
a constata cu su horea banda drechi a wordo corta afo. Polis a
ofrece asistencia na e victima, pero el a nenga esaki.

Polis a papia cu e victima, purba di calm’e, y e ora ey e victima
a acepta pa personal di ambulance duna asistencia. Mirando
con su horea a wordo corta afo, ambulance a transporta e vic-
tima na hospital, unda el a keda admiti y trata pa dokter.

E victima a dicidi di entrega keho contra e agresor, pero mi-
rando cu na e momento ey e tabata bou influencia y tambe
herida, recherche a keda di yega cerca e victima e siguiente
mainta pa tuma su declaracion na hospital.

Muchanan den mondi ta causa dos herido

ORANJESTAD – Patruya di Oranjestad a wordo manda
na Grand Ocean minimarket pa un caso di muchanan
cu tabata tira den mondi cu arma di aire, y e kogelnan a
dal algun persona di dicho establecimento.

Na yegada, agentenan a papia cu e personanan M. y G., kende
tur dos a declara cu nan tabata para dilanti di e minimarket,
ora cu nan a mira dos mucha homber den mondi. Despues,
nan a scucha un klpa duro varios biaha, manera un disparo.
Na e momento ey, M. a sinti un golpi duro riba su man drechi
y pia links. M. a ricibi un perforacion riba su brasa drechi pa
motibo di e arma di aire.

G. tambe a sinti un golpi duro, patras di su cabes, y a constata
cu e tambe a sufri un herida pa motibo di e kogelnan. Segun
M., e conoce un di e muchanan en cuestion. Tur dos victima a
keda conseha pa bay entrega keho na recherche, y nan tur dos
a nenga di ricibi asistencia di ambulance.
Polis a controla den e area, pero no a logra topa e muchanan
cu arma di aire.

Homber sospechoso den cura di cas

ORANJESTAD – Patruya di Oranjes-
tad a keda manda na Purun pa un so-
spechoso.

Na yegada, polis a papia cu un señora di
inicial L., kende a conta cu ora cu el a yega
cas cu su yiunan, el a nota cu su cacho ta
blaf masha hopi mes. El a sigui core un
rato prome cu el a para su auto.

Ora el a Sali for di auto, e cu su yiu muhe a
nota un homber den cura banda di su cas.
Ora cu e homber a ripara cu nan a trap’e,
el a purba huy den mondi. Ademas, L. a
declara cu e ta sinti hopi spanta pa e suceso,
pasobra desconocinan a yega di kibra dren-
ta den su cas varios biaha den pasado.

E agentenan a controla e vivienda, e cura
y e area alrededor, buscando e sospechoso,
pero no a logra topa cu esaki. E agentenan
a conseha e señora tocante maneranan pa
sigura su propiedad.