Page 18 - ARUBA BANK

Basilio "Barnol" Maduro di ATCO a bay sosega

Sunday, 29 January 2017 21:33
Comparti

"El a cuminsa cu e compania prome cu mi na 1955 y despues cu el a bay cu pensioen na aña 2001 el a
sigui traha te algun siman pasa cumpliendo mas cu 60 aña den servicio di compania", asina Eduardo de
Veer ta corda.
Dialuna su famia, su amigonan y su ex coleganan di ATCO Concrete Products ta dispidi di Basilio
Maduro, conoci bou su amigonan tambe como "Noshi" of "Barnol".

Gerencia di e compania ta corda ainda con Basilio a cuminsa su carera na ATCO como un "forklift
operator", cual ofishi el a eherce te cu 10 aña pasa mas o menos, ora cu el a baha cu pensioen. Den su
carera el a traha algun aña tambe como "Doorman" na De Veer Theatre, banda di su trabou na ATCO.

"Barnol tabata un empleado cu no mester di supervision, sino solamente direccion", asina Wendell
Bennett, un di e otro pioneronan den e compania y awendia miembro di e ekipo di MetaCorp a duna di
conoce. "E no conoce AO, vakantie ta nos mes mester a planea pe y fors'e pa e tum'e", tabata entre
locual Bennett ta corda di e defunto.
Na aña 2001 Barnol a baha cu pensioen, pero a regresa y a dedica tempo na preparacion di e
splitblocknan algun dia pa siman, operando e mashin cu ta semiautomatico. "A purba laga dos hoben
haci e trabou, pero e realidad ta cu nunca nan dos hunto toch no a logra produci mes tanto bloki cu
Barnol", di acuerdo cu Wendell Bennett. Barnol a sigui traha te recien ainda cu ATCO Concrete
Products.

Pues no obstante cu el a baha cu pensioen, toch te cu algun siman atras ainda e tabata traha cu e
compania. El a lucha cu un enfermedad, cu na final a gana e bataya. "Mi ta consider'e un empleado
ehemplar. Mainta trempan despues di mi landamento na Savaneta mi ta top'e regularmente canando
for di su cas na Simeon Antonio pa ATCO na Barcadera y nos ta crusa e saludo di semper....dialuna awo
lo mi salud'e pa ultimo biaha ora nos despedi di dje na ATCO", asina Eduardo de Veer a termina
bisando.

MetaCorp a inicia desde aña 1920 den negoshi di cine. Cu apertura di Lago a cuminsa cu E. De Veer