Page 42 - Djasabra 15 september 2018.pdf

42 Djasabra 15 Sèptèmber 2018
Kontinuashon di pagina 6
Polis a tap akusado

El a splika ku kaya
Internet ta djis banda di su
kas i ku ta normal ku e ta
frekuentá ei banda.
Frans a insistí ku e ta
inosente i ke bai su kas.
Pa loke ta trata Mathilda,
el a duna di konos’é ku e no
ta komprondé nada di e kaso
i ku e kaso ta tur bruá.
Riba e loke Mathilda a
bisa, hues a duna di konosé
na e akusado ku e ta keda
straño ku e ta bisa esei, pasó
den henter e investigashon
e no ta dunadó niun
deklarashon.
Hues a bisa Mathilda ku
tin hopi kombersashon ku
polis a tap di dje, den kual
un di nan e ta bisa un otro
persona pa wak notisia.
Mathilda a duna di konosé
ku esei ta masha normal pa e
bisa un hende asina.
Abogado Vaders ku a hiba
e defensa pa Frans, a bisa ku
su kliente no por ta involukrá,
pa motibu ku e shofùr di
e kran ku ta Lourens no a
rekonosé su kliente komo un
di e hòmbernan ku a atrak’é
i a papia di un hòmber rasta.
Segun e abogado, Frans
no tin nada di aber ku e
atrako i for di 2016 e no tin
rasta mas.
Tambe e abogado a bisa
ku e víktima ta papia di un
hòmber di mas o ménos 1
meter 80, di kual su kliente
ta mas kòrtiku ku e mes ku
ta 1.74 meter.
Mirando esaki e abogado
a pidi pa pone Frans den
libertat pasó no tin niun
prueba kontra dje.
Fiskal na su turno a
duna di konos’é entre otro,
ku tabatin telefònnan ku a
keda di tap di e akusadonan
ku kòmbersashonnan
inkriminante.
Mirando esaki fiskal a pidi
hues pa rechasá e petishon pa
posponé ámbos akusado su
detenshon.
Hues den su desishon a
bisa e akusadonan ku tin
sufisiente motibu pa tene nan
será te ainda, te na momento
ku e kaso keda tratá.
E kaso lo kontinuá dia
14 di desèmber binidero pa
10.30 di mainta.