Page 16 - AVP

Parlamentario Robert Candelaria (AVP): Intencion Di

Minister Rudy Lampe Ta Pa Kita Tur Seguridad Di

Scolnan

 Politica
- 16/06/2019

Diabierna merdia/atardi a tuma lugar un manifestacion pa demostra disgusto/mal
contento riba e situacion andando cu Traimerdia. Parlamentarionan presente a ricibi e
grupo di lidernan di Traimerdia cu a comparti cu nan kico tur ta locual cu ta e
intrankilidad cu ta biba entre nan. Parlamentario Robert Candelaria a splica un poco mas
kico tur ta locual a bin afo di e manifestacion aki.
Por a scucha for di e lidernan un preocupacion grandi, no solamente p’e cambionan cu
kier introduci, pero tambe riba nan posicion huridico cu ta na peliger.
Por a tuma nota cu cada biaha e situacion ta bira mas y mas grandi y cu no tin trankilidad
den enseñansa.

Robert Candelaria di su banda ta bisa cu biniendo di e banda di Seguridad y Husticia e no
por a kere kico mas tin den su plan y cu e malcontento aki a uni hopi hende p’asina bin
dilanti y trece nan disgusto n’e Minister encuestion.

“Mi a keda sorprendi na momento cu a sali na cla e intencion di Minister Lampe ta pa
kita seguridad n’e scolnan, ademas di e disgusto cu ya caba a bin dilanti na momento cu e
bisa cu ta bay uni algun scol y elimina Traimerdia” ta locual cu Parlamentario Robert
Candelaria a bisa.