Page 12 - AVP

Lider Di Fraccion AVP, Marlon Sneek Y Docente Di

Profesion: Minister Rudy Lampe Ta Comiendo

Enseñansa Na Mochi

 Politica
- 16/06/2019

Malcontento y un duda grandi di kico ta locual cu ta bay pasa p’e siguiente aña escolar ta
algun di e puntonan cu e manifestantenan di diabierne a trece dilanti na porta di
Parlamento. Trahadornan di Traimerdia no ta haya informacion y esaki ta di lamenta.
Lider di fraccion di partido AVP y docente di profesion Marlon Sneek a conta kico den
su opinion ta inaceptabel. For di un luna pasa trahadornan di Traimerdia ta canando nan
caminda y sinta den e reunion cu Minister di Enseñansa sin haya contesta concreto. Un
copia di un carta a keda entrega na algun Parlamentario diabierne cu a bin di parti
Minister Lampe cu te ainda no a yega serca e Parlamentarionan. Cu esey ta mustra con
bruha e Minister aki ta traha y ta un di e motibonan cu ta keda para riba cu ta un reunion
publico ta pidi p’asina e por bin duna cuenta di kico ta su intencionnan.

Algun siman prome cu vakantie escolar ainda nan no sa kico ta nan futuro, si nan tin
trabou of no, esnan di SPO si tin cu presenta na mes un edificio of nan a muda, situacion
ta for di lo normal. E Minister tin cu bin Parlamento y no den comision di enseñansa, den
un reuinion publico pa tur hende por tende unda e Minister ta para y kico t’e direccion cu
ta bay tuma. Di importancia y teniendo Parlamentario Edgard Vrolijk na su palabra, cu ta
un solo Parlamento tin y cu no por sconde tras cu ta Minister di coalicion, sino mas bien
tin cu informa kico e ta haciendo.
Den un encuentro Parlamentario a pidi plan/vision, pero te dia di awe no por haya nada