Page 71 - MIN SOC

Minister Croes; Como cu ta anja di eleccion oposicion kier
trece angustia den pueblo riba reapertura di refineria

Wednesday, 25 January 2017 19:28
Comparti

Tin informenan eroneo y pa crea distraccion riba e rehabilitacion di e refineria segun Minister Paul
Croes. Sa cu ta den aña electoral na unda cu oponentenan politico kier uza e momento aki pa purba di
trece angustia bao di nos comunidad, preocupacion innecesario.

Por garantisa comunidad, cu Gobierno ta traha pa e Arubianonan, pa esnan biba na Aruba
primeramente. Naturalmente ora cu no tin mas persona pa yena e vacaturanan aki, lo busca hendenan di
afo. Tin un acuerdo firma den un protocol den e labor regime, manera e ta wordo yama di 80% local pa
funcionnan fiho den e refineria y 20% internacional. Ta prome biaha cu Gobierno di Aruba a yega na un
acuerdo asina aki cu Citgo pa duna espacio pa por rehabilita e refineria y banda di esey ta papiando
siguramente di 1000 pa 1500 cupo di trabao cu tin cu wordo yena pa hendenan local, pa despues
hendenan di afo cu cierto specialista. Ta reitera cu pa cierto proyectonan ta importa cierto personanan.
Manera cu e proyecto termina, nan ta bay bek na nan pais di procedencia.

No ta cuestion tampoco cu e personanan aki cu nan lo bin y keda Aruba, pero pa e siguiente 2 pa 2 aña y
mey, lo mester importa algun trahado.

Pero e enfasis ta keda cu contratistanan local, trahadonan local ta e promenan yama pa por ehecuta e
funcionnan aki.

Update

Na momento cu a habri e sector energetico, e mercado laboral pa hendenan por inscribi, naturalmente na
e momento ey a haya un piek, un cantidad di persona a aplica, entregando nan curriculum, entregando
nan añanan di experiencia den refineria. E animo tey eynan. Na momento cu mira un anuncio asina aki
naturalmente, bo ta reactiva e animo cerca e trahadonan, pa trata di un cantidad di limita di trahado cu
ta bay drenta den e simannan nos dilanti. Pero manera cu e gerente general a informa e minister, cu ta
premira cu ya caba den Februari, Maart, April, un cantidad di local mas, lo ta drentando den e refineria.
Tur e localnan aki por conta cu si a entrega e curriculum na Citgo Desk y tin un di e specialidadnan cu e
refineria ta pidiendo e momento ey, ta recomendando e personanan aki tambe pa traha den refineria cu e
enfasis cu no ta traha pa ningun interes pafo di Aruba, pero ta trahando pa nos localnan na Aruba, segun
minister Paul Croes.