Page 74 - MIN SOC

Minister Paul Croes: E proceso pa e reapertura, rehabilitacio
di e refineria ta canando

Wednesday, 25 January 2017 17:17
Comparti

Ya e vacaturanan a cuminsa wordo publica di parti di Citgo Aruba. Drs. Paul Croes, minister di labor, ta
na altura di esaki.

El a splica cu manera cu ta bin ta bisando, ya caba for di algun luna, e proceso pa e reapertura,
rehabilitacio di e refineria ta canando. Por a tuma nota di e vacaturemeldingnan cu a cuminsa sali di e
diferente trabaonan cu e refineria ta publicando den prensa local, caminda nos localnan por aplica y pa
asina haya trabao. Esaki ta un grato noticia pa nos comunidad. Siman pasa, Croes tabata tin reunion cu e
gerente general, Alirio Zambrano, caminda cu el a menciona e diferente funcionnan cu ta bay habri den e
siguiente siman. Pa tal motibo awe, hunto cu Citgo kier a comparti esaki den comunidad, unda cu ta bay
brinda oportunidad na nos trahadonan local pa asina na por bin bek y traha den e refineria.

Banda di esaki ta informa comunidad cu e gerente a informa e minister, hunto cu minister de Meza y
minister Richard Arends, cu dentro di e siguiente simannan aki, esta 2 siman padilanti, lo bay tin
proyectonan cu lo bay inicia, unda cu contratistanan local lo ta ehecutando esakinan y unda cu mas di
100 trahado local lo ta wordo yama pa asina bin ehecuta e trabaonan aki.

E noticianan aki ta importante pa informa na comunidad di dje, den un forma prematuro, pa asina nan
por prepara tambe pa entrega nan solicitudnan.

Banda di esey ta informa comunidad cu cada un di e funcionnan aki cu Citgo ta publicando, Citgo Desk,
database di e trahadonan local, ta wordo manda tambe cu e diferente personanan cu tin e specialidadnan
aki.

Banda di e specialidadnan aki, tur e contratistanan cu ta bay tin mester di trahadonan local, den
diferente funcion, e trabaonan aki tambe ta wordo manda por medio di Citgo Desk pa e personanan di
Citgo, den e caso aki directamente pa nan, pero tambe pa e contratistanan cu ta bay haya e proyectonan
aki.

Por adelanta cu e proyectonan aki ta trabaonan civil, trabaonan di inicio pa asina por bay over na
reapertura, na rehabilitacion basicamente, na unda cu dos contratista local lo ta hayando e proyectonan
aki, caminda cu lo ta mandando diferente trahadonan local pa por yena e vacatura di e trabaonan aki.

Esaki ta importante pa bisa tambe cu ta kita tambe e incertidumbre cu oponentenan politico ta trata di
trece den henter e scenario aki, bin cu mentira, trece angustia, trece preocupacio bao di diferente
personanan local. Gobierno di Aruba, manera a menciona na varios ocasion, minister Paul Croes, ta
minister di labor di e Arubianonan cu ta biba riba e pais aki y ora cu mira un anuncio asina aki ta yenabo
di alegria naturalmente, cu bo yiunan di tera, en todo caso, ta e promenan yama pa por haci e trabaonan