Page 72 - MIN SOC

Minister Paul Croes: Finalmente a logra yega na un acuerdo
cu un gran cantidad di trahado, cu a traha den Aura Casino

Wednesday, 25 January 2017 17:03
Comparti

A papia cu minister Paul Croes riba Aura Casino y su status. Despues di un aña di deliberacion, di
trabaonan intensivo di parti di Gobierno, siguramente di parti di Mediador di Gobierno den e caso aki
tambe,

pero tambe di parti di esnan envolvi cu ta en todo caso Island Gaming, cu ta e compania cu ta bay habri
ex Aura Casino, pero tambe di parti di gerencia di Barcelo. Finalmente a logra yega na un acuerdo cu un
gran cantidad di trahado, cu tabata traha den Aura Casino. E casino aki tabata consisti di 44 trahado
inicialmente. Di locual 26 lo ta bayendo pa continua trahando cu e casino y di e restante di 18nan aki, 15
di nan a acepta un pakete cu pago di 4 luna di salario, pa asina nan por sigui busca otro trabao. Ta di
compronde cu 3 persona di e cantidad di 44 no lo a acepta e acuerdonan aki. Ta nan derecho y esaki
tambe guia pa e sindicato, bao di nan conseho.

Tin cu bisa cu den e negociacionnan aki, continuamente, e minister a purba di envolvi nan mes pa asina
hiba e direccion aki na e resultado mas miho posibel pa gran mayoria di e trahadonan. Ta papiando den e
caso aki di 41 trahado cu finalmente a ricibi un pago pa locual ta e derechonan cu nan tabata tin riba dje.
Na momento cu e casino a wordo reduci den cantidad cu mas di 60% di espacio, automaticamente no por
a tuma tur 44 trahado den servicio, pa locual e operador nobo a bisa cu ta bay tuma 26, cu mesun
derechonan lo continua den servicio di e casino.

Tin cu gradici naturalmente gerencia di Barcelo pa a pone input di nan personal y organisacion pa reduci
e gasto di huur pa e operador nobo pa nan por tin fondo pa nan por paga e trahadonan.

Ta gradici tambe sr. Anselmo Pontilius, mediador di Gobierno, kende na un forma hopi insistente,
continuamente tur siman tabata riba e caso di Aura Casino, pa asina por brinda e trahadonan finalmente
un final positivo.

Di e 44 trahadonan, 41 ta ricibiendo un prospecto nan dilanti. 26 lo continua traha, 15 lo ta ricibiendo un
pago di 4 luna di salario cu nan no a ricibi anteriormente y a acepta esaki y ta compronde cu 3 lo sigui un
proceso hudicial pa mira si acaso hues lo por dicta otro pa nan.

Tin cu bisa cu e caso aki naturalmente ta trahando hopi duro riba dje. Ya for di un inicio y mirando tur e
posibilidadnan, ya caba den luna di Mei, a acerca SVB tambe pa paga e trahadonan e cesantia di
derechonan cu nan tabata tin riba dje acumula y varios di nan a ricibi un suma basta grandi e momento
ey.

Banda di esey a continua busca un operador. A sinta varios biaha cu e operador aki pa purba yega na un
pago mas husto posibel den e caso aki pa e trahadonan y finalmente tin cu bisa cu a logra esaki, despues
di hopi insistencia. Y pa e siman aki ta firmando un protocol general, hunto cu e board di Barcelo, hunto