Page 23 - BNDIA ARUBA

A23
ribA cAyA Dialuna 1 OctOber 2018

Hobencita a haya problema

den lama bruto

EAGLE BEACH - Diadomingo mainta e lama parti
zuid y nort di nos isla tabata basta bruto, hasta na Eagle.

Asina mes hendenan a opta pa drenta, pero un rato e olanan
a bira basta duro mes y un hobencita di por lo menos 15 aña,
a confronta problema den lama y guli awa debi na e olanan.

Ambulans a presenta y paramedico a atende cune di biaha.
StrandPolitie tambe tabata presente pa tuma dato di e caso. E
hobencita a keda transporta pa hospital pa atencion medico.

Accidente entre auto y harley na Malmok

MALMOK - Diadomingo atardi riba caminda di Mal-
mok, a sosode un accidente entre auto y un mahenado
di harley.

Ta asina cu e motociclista tabata bayendo direccion pa Arashi
y e auto tambe, pero e chauffeur di e auto lo a bay lora na su
man robes, net momento cu e harley davidson ta pasando, y
consecuencia e motociclista ta dal den banda robes di e auto.

E motociclista a cay riba caminda y keda herida despues di a
slip algun meter. Paramedico a brinda asistencia medico na
e victima y a keda transporta pa hospital. Polisnan di trafico
tambe tabata presente pa haci nan investigacion.