Page 18 - BNDIA ARUBA

A18 DEPORTE
Diamars 9 OctOber 2018

Kayla Arends y Mali Rafini cu prome victoria den Youth Olympic Games

ORANJESTAD - E prome victoria oficial den un
Wega Olimpico Hubenil pa Team Aruba. Ayera
dialuna e duo di beach volleyball Kayla Arends
y Mali Rafini a gana nan prome wega contra
Rwanda pa loke ta e competencia di beach vol-
leyball.

Mester bisa cu bou di un publico grandi mayoria con-
sisti di muchanan di scol basico como tambe algun fa-
miliar, e duo di Aruba a cuminsa poco nervioso na e
partido. Pero despues Aruba a domina bon unda ta bin
gana e prome set contra Rwanda cu e score di 21 - 15.

Den e di dos set e duo Velantine/Peneloppe di Rwanda
a lidera di comienso te na final. Aruba dado momento
a bin bon bek, siendo 5 punto abou y ta bin empata 17
- 17, pero aki Rwanda a gara su puntonan pa hiba e di
dos set na nan fabor 21 - 18. Den e di tres set, Mali y
Kayla a sali bon y ta piki nan puntonan pa un diferencia
grandi, pero poco poco e duo di Rwanda no a rindi y ta
yega cerca di Aruba. Na 13 - 13, Aruba ta anota 2 punto
tras di otro pa asina hiba nan prome victoria den e We-
ganan Olimpico Hubenil aki na Buenos Aires.
E puntonan crucial a bini net na bon momento y mer-
ecidamente Kayla y Mali ta hiba e prome victoria. Cu
esaki tambe nos delegacion ta haci historia cu e prome
triunfo den un Wega Olimpico Hubenil den un de-
porte di ekipo.

Nan proximo encuentro lo ta mañan contra Venezuela.