Page 37 - MIN VOS
P. 37
16 AWEMainta Diamars, 23 Mei 2017
Minister di Salud Publico, Cuido di Nos Grandinan y Deporte, dr. Carlos “Alex” Schwengle
Ta importante pa sigui stimula actividadnan internacional
PA di 18 aña Stichting Tiger Taekwondo Aruba ta
organisando competencia internacional di Taekwondo
y e federacion ta carga e competencia. Diferente pais a
participa na e competencia aki, e. o. ta competi Corsou,
Sint Maarten, Trinidad, Mexico, Merca y otro paisnan.
E ta un bon evenemento pa pone pais den e potret
di Taekwondo y specialmente mirando cu Aruba ta
prestando hopi bon den tereno di Taekwondo interna-
cionalmente, te cu tabatin participacion den olimpiada
aña pasa, Minister di Salud Publico, Cuido di Nos
Grandinan y Deporte, dr. Carlos “Alex Schwengle” a
expresa.
Minister Schwengle ta kere cu ta bale la pena pa sigui
stimula y pusha actividadnan asina y kisas otro fed-
eracion por sigui cultiva esaki pa tin mas evenemento
internacional aki na Aruba.
“Mi ta duna palabra di elogio na e organisadonan,
un palabra di danki na e federacion pa duna sosten”,
Minister Schwengle a remarca.
Di parti di Gobierno via di Comision di Subsidio De-
portivo a duna su aporte. Ta gradici tur sponsor cu a
contribui na haci posibel e campeonato.
“Nos ta spera cu tur aña e ta keda bin y sigur di parti di
Gobierno, nos lo sigui duna nos sosten grandemente na
evenementonan asina”, Minister Schwengle a expresa.
