Page 16 - VOS DEC 12

24 AWEMainta Dialuna, 12 December 2016

Brazil Taekwondo Stichting a reuni

tocante seramento di aña 2016

DIAHUEBS ultimo Brazil Taekwondo Stichting a reuni hunto
cu su miembronan presente tocante seramento di aña 2016, mi-
rando cu nos ta den e ultimo luna di aña 2016 mester a reuni
p’asina haña tur opinion di e miembronan.
E Cena di Pasco di diasabra 10 di december di Brazil Taekwondo
Stichting a wordo cancela pa diamars dia 13 awor.
E Cena di Pasco ta algo grandi pa Brazil Taekwondo unda cu sa
tin masha hopi hende mes envolvi y varios sorpresa.

Un di e otro cosnan ta cu mester keda cla cu e benta di e calender
di 2017. E ta canando basta bon entre e muchanan, pero tur mucha
cu kier bay Korea mester bende 300 calender.
Josefa Willems ta atende cu e parti financiero y mester keda cla cu
esaki, pero e ta rekeri masha hopi tempo y a opta pa hala e fecha
di eleccion di directiva pa januari 2017 despues di e seramento
di aña 2016.
Tin varios cos cu no ta cla ainda, mirando cu algun di nos miembro-
nan ta malo di salud y otronan cu ta haña nan mes cu hopi trabou.
Tur esaki ta hunga un rol grandi den Brazil Taekwondo y ta tur
hende ta yuda di curason y nos ta tene cuenta cu esey.

Ademas di esaki ya nos tin nos Rookie di aña 2016 y nos atleta
di aña 2016. Premio lo wordo entrega na tur esnan cu a destaca
den aña 2016, for di Rookie di Aña te n’e Atleta mas Disciplina.
Prensa tambe ta forma parti di e premionan, pasobra nan ta duna
masha hopi mes di nan banda.