Page 18 - VOS DEC 12

AWEMainta Dialuna, 12 December 2016 27

Torneo HEINEKEN fast pitch femenino di Aruba Softball Bond a termina

Mesora a bay over na entrega premio na ganadornan

TORNEO HEINEKEN fast pitch Femenino di Aruba Softball
Bond a yega su final unda a bay over mesora pa entrega premio
na esnan cu a destaca.

Manera ta conoci den luna di november a inicia un torneo di fast
pitch p’asina brinda oportunidad na nos atletanan femenino pa
bataya contra otro prome cu fin di aña.
Alaves ASB a uza e torneo aki como base pa por mira su atletanan
mas di acerca en bista pa traha un pre seleccion pronto, kendenan
lo cuminsa cu entrenamento manera cu aña habri pa bay busca
clasificacion pa Juegos Centro Americano y Del Caribe memey
den aña.

Despues di dos buelta e ekipo di Jaguars ta derota Aruba Bank
Lady Tigers 3-2 den e ultimo wega y ta bay cu e titulo maximo cu
6 victoria y 0 derota pa cera aña 2016.
Riba potretnan adhunto por aprecia momento cu Rudlyn Ras ta
ricibi tanto premio como sub campeon pa Aruba Bank y tambe
un bunita recuerdo como muestra di a competi den dicho torneo.
Despues Melissah Daniel di Jaguars, kende a lansa e ultimo wega
completo a ricibi un premio como e MVP. Rayborn Didder man-
ager di Jaguars hunto cu su ekipo a ricibi e trofeo maximo. Tanki
Leendert Girls di Rubia Ras y e ekipo hoben esta Rebels di Waika
Maduro tambe a ricibi un recuerdo pa nan participacion.

Aruba Softball Bond ta contento cu cooperacion di tur ekipo cu
a haci nan esfuerso pa cumpli cu e schedule diferente dia tras di
otro y asina bataya pa e titulo.
Pabien na tur dirigente, tur lider di ekipo, tur atletanan y mas cu
claro un danki na Dragon Hitters pa prepara su tereno y alaves
Subsidie Commisse pa nan aporte. Deporte di softball den pleno
desaroyo.