Page 78 - VOS DEC 12

Secretaria general di Aruba Triathlon Association a atende e

congreso di ITU na Madrid, Spaña.

Sunday, 11 December 2016 16:33
Comparti

Cada aña, federacionnan mundial di deporte ta pone nan congreso anual unda ta delibera
y alabes refleha cu nan miembronan rond mundo riba e aña deportivo cu a transcuri y kiko tur mester
wordo haci pa engrandese nan deporte mas aun di loke e ta caba. Pa tur cu ta miembro ta hopi
importante pa congresonan ser atendi pa e representantenan maximo di nos federacionnan deportivo,
esaki pa un continuacion positivo pa cu e desaroyo den nan deporte. Recientemente secretaria general di

Aruba Triathlon Association, sra. Glenda Croes-Tromp a atende e 2016 ITU Congress, e edicion number
29 di e federacion mundial di triatlon. Esaki a tuma lugar den e ciudad di Madrid, Spaña.

A atende entre otro reunionnan di ITU Development como tambe esnan di CAMTRI cual ta
competencianan den nos region, mientras a eligi algun miembro pa e directiva nobo di ITU. Notabel ta
cu e deporte di triatlon ta esun cu mas lihe a crece den e cantidad di atleta compara cu tur e otro
deportenan cu ta cay bou di e constelacion di Comite OlImpico Internacional. Durante di e congreso a
papia riba diferente otro topiconan manera desaroyo mundial di e deporte, e diferente competencianan
na nivel regional, continental y mudial. Tambe e cursonan disponibel pa engrandese e conocimento di e
dirigente y coachnan.

Un danki sigur na Lotto Aruba pa medio di Comision di Subsidio cu a subsidia e biahe di Aruba Triathlon
Association pa e di 29 congreso anual di e federacion mundial di triathlon, ITU na Madrid, Spaña.

Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.