Page 82 - VOS DEC 12

Yvette Geerman di Dienst Warenkeuring en Hygiene.: Ainda
tin lugarnan cu no ta cumpli cu tur regla di higiena y carchi

di salud

Sunday, 11 December 2016 12:47
Comparti

Nos ta yegando fin di aña y hopi biaha tin control di cuminda. Yvette Geerman, kende ta hefe di departamento di
Higiena di Salubridad Publico, ta conta cu e controlnan durante henter aña, tabata bastante. E departamento tabata
hopi activo riba control di cuminda.

E controlnan a bay con. Na momentonan cu a controla hunto cu diferente departamento, ainda locual cu a constata
cu no ta tur ta cumpli cu reglanan di higiena y e parti di carchi di salud. Hopi di nan ainda den cuadro di ley no ta
cumpli cu nan. Pero apesar di tur eseynan por mira atras si cu tin basta concientisacion den comunidad riba e tereno
aki. Hopi di nan a bira hopi mas conciente riba e tereno ey. E importancia cu tin pa mantencion di e parti di higiena.

Esakinan ta locual cu tabata tin. Tabata tin diferente control y a bay bon. Tabata tin momentonan cu mester tuma
cierto decisionnan mas drastico, pero eseynan ta parti di e trabaonan cu lo sigui eherce, segun Geerman.

E ta relata cu e hendenan a bira hopi mas conciente y critico. Ta papiando riba consumidornan. Mirando cu nan ta
acerca e departamento di higiena hopi mas ora cu tin momentonan cu cosnan ta pasa cu tin iregularidadnan ta
sosode, a tuma hopi contacto cu e departamento. E parti conciente eynan por a nota como departamento cu e tey den
nos comunidad. Ainda no a yega na unda cu ta desea di yega riba e nivel, pero ta encaminando e caminda y e ta
bayendo den bon direccion.

Tabata tin pasonan drastico cu a tuma luga. Tin casonan ta bin dilanti di momentonan cu hendenan ta wordo venena
cu cuminda, cual ta minimal. E no ta sosode den gran escala. Mirando cu hopi biaha tin confusion ora hendenan ta
bira malo. Nan mes no sa a base di kico nan ta bira malo. Hopi biaha hende tin e neiging cu simplemente un diarea
nan ta relacion’e cu algo otro, por ta no cu cuminda.

E parti eynan en berdad lo mester bay traha mas riba dje pa di manera cu tambe tin mas dato. E datonan eynan no
tin nan hopi concreto, mirando cu e meldingnan eynan no ta sosodiendo hopi.

Cu a haya algun caso ta asina. Pero no casonan grandi, cual no a haya e aña aki ainda.