Page 115 - AHATA

E descripcion ta comosifuera cu lo bay crea un sistema estilo Uber, unda esnan cu
mester di Taxi por pidi esey via e App. Ministro a anuncia cu e App aki lo por reduci e
fenomeno di Taxi pirata na Aruba, y cu ya pa December venidero kier haci un test cu e
sistema aki pa tur 450 Taxi riba e isla.

Sinembargo mucho detaye tecnico no a wordo duna, y esey ta loke tin Taxistanan
preocupa. Riba Diaranzon, vocero di Taxistanan na nomber di diferente organizacion di
Taxi riba e isla, a dirigi un carta pa Ministro conteniendo un serie di pregunta hopi

valido y necesario.

Taxistanan kier sa, con Gobierno a escoge cual compania of organizacion lo bay traha e
App aki. Nan kier sa con e proceso di seleccion a tuma lugar, e criteria pa cual a

escoge e compania. Tambe kier sa si tin mas compania cu a wordo considera durante e
seleccion, y e Taxistanan kier sa nan nomber tambe.

Taxistanan ta balora nan privacidad y proteccion di data, y pesey kier sa unda riba

Internet e informacion personal di e Taxista lo wordo warda. Kende lo tin acceso di e
data aki?

E informacion personal di e Taxista lo wordo comparti cu tercera compania tambe? Nan

kier un lista di esey. Tambe kier sa si e proteccion di data y privacidad lo cumpli cu e
rekesitonan GDPR cu ta e standard rond Europa, incluyendo Hulanda. Nan ta exigi pa e
App ta cumpli cu rekesitonan di GDPR.

Como cu e App aki tey djis pa regula Taxi, nan tin algun pregunta. Kico ta e costo pa
traha e App aki y mantene su operacion? Kico lo ta eimpacto riba e falta di
reglamentacion? Kico ta algun di e puntonan principal pakico a escoge pa bin cu e App
aki?

Nan kier sa kico e setup aki lo costa e Taxista, cuanto lo tin di paga, etc. Tambe nan
kier sa si esnan cu pidi Taxi via e App, na ki cuenta di banco e pago (Taxi Fare) lo
bay? Na e cuenta di banco di e Taxista of otro?

Si acaso e placa no bay mesora na e cuenta di banco di e Taxista, e ora con frecuente
lo bay pasa e pago? Taxistanan por saca nan ganashi for di e App ki ora cu ta?