Page 112 - AHATA

E carta ta firma pa representantenan di Taxi Unie y Taxi Central A1, ATC, Blue

Diamond, TAS, Y Professional Taxi.

Tur esaki ta relaciona cu e intencion di Gobierno di Aruba pa introduci un aplicacion pa

un sistema di reservacion di taxi, cu e meta pa reduci e transporte ilegal.

Esaki ta un aplicacion cu Gobierno kier introduci caba den luna di december awo pa tur e

450 taxistanan di Aruba.

Asina e taxistanan ta haci un serie di pregunta riba con e proceso di seleccion a cana,

criterianan a base di cual e companianan a wordo seleccion; si a tene cuenta cu otro

proveedornan durante e proceso di seleccion y cualnan.

Otro punto di preocupacion ta con ta bay warda e innformacion personal di e taxistanan,

kendenan tin acceso na e infonan aki, si e ta wordo comparti cu otronan; si e proteccion

di data y privacidad ta cumpli cu e politica di GDPR, cu ta valido rond Europa, inclusive

Hulanda.

Tambe nan ta haci pregunta riba e gastonan pa traha e aplicacion aki y pa mantene den

operacion, ki impacto pa e falta di reglanan awo, y e motibonan principal pa traha e

aplicacion aki.

Naturalmente cu introduccion aki ta trece gasto cune, pero e taxtistanan kier sa si e tin

gasto envolvi pa nan mes tambe. Pero tambe con e sistema ta funciona.

Tur esaki ta mustra cu a bini cu e plan aki sin consulta cu esnan envolvi mes, cual ta
motibo di hopi disgusto tambe. Aki bou ta sigui e carta cu a manda pa e mandatario.