Page 31 - AWEMAINTA

Diasabra, 6 October 2018
E stima e homber di edat mayor
Mucha violá foi su 13 te 15 aña
no ke pa kastigá violador
WILLEMSTAD. Prinsipio dje siman aki Korte di
Hustisia a tuma desishon riba un kaso kaminda un
homber Dominikano di 50 aña di edat a tene relashon
seksual ku un mucha muhé for di tempu e tabatin 13
aña te ku e tabatin 15 aña.
Ora ku a denunsiá e kaso, e mucha
muhé no tabata ke pa Hustisia sera e
homber i Korte a tene kuenta ku e
petishon i a kastigé ku trabou fòrsá.
Hustisia por a sea husga of laga di husga e homber pero
a skohe pa tene kuenta ku deseo dje adolesente.
Dia 26 di aprel aña pasá korte den promé instansha a
kondená e homber na Sint Maarten na un kastigu di
prizon kondishonal plus trabou fòrsá.
Den promé instansia korte a kondená e
dominikano na 18luna di prison di kual
6 luna i un periodo di prueba di 3 aña.
Ademas e no mag tin kontakto ku e mucha muhé.
Durante tratamentu dje kaso resientemente Prokura-
dor General a pidi pa dikta un kastigu nobo di 24 luna
AWEMainta Corsou 31
presu di kual 6 kondishonal mará na sierto kondis-
honnan.
Abogado dje Dominikano a boga pa laga e homber liber
di tur kulpa.
E kuadro ku a bin dilanti den korte
ta ku no ta oportuno pa sera e
Dominikano pasobra e adolesente stima
e homber i a haña yu dje homber.
Ademas e dominikano a yuda e mucha sali for di su
adikshon di droga i alkohòl.
Por lo tantu no ta yuda ningun kousa si sera e homber
pasobra tantu e mucha muhé komo su yu lo sali a la
deriva.
E mucha muhé no ke pa sera e homber i mester respetá
esei.
HOMBER DI 48 AÑA A PRIÑA
MUCHA DI 15 AÑA
E datonan konkreto den e kaso ta ku dia e mucha a sali
na estado e tabatin 15 aña i e Dominikano tabatin 48
aña i ta tutor dje mucha muhé a hasi denunsia.
E mucha muhé a bisa outoridatnan klaramente ku e
no ke pa nan kastigá e homber pasobra te homber ta
kuid’é i su yu.
Antes lo a sera e homber direktamente pero lei a kam-
bia i awor ta tende e partidonan i e mucha muhé a bisa
ku e no ke pa kastigá e homber.
Di otro banda keda sin persigi e homber tampoko ta-
bata un alternativa sino unda ta hala e liña.
E abogado na su turno a splika ku no tabatin kuestion
di violashon pasobra semper e mucha tabata kai pa
hendenan mayor kune i ta sinseramente felis.
E kastigu mas práktiko den e kaso ta un kastigu di
prison pisá pero kondishonal i 240 ora di trabou fòrsá.